› 選擇地區
三藩市
紐約
洛杉磯
其他美國地區
香港 台灣 北美
 
2019年04月02日

【《動腦Q》迷你騷35分鐘完整版】同期歌手有啲轉咗行 RubberBand:好幸運繼續唱

建立時間 (HKT): 0402 23:00

在叱咤樂壇頒獎禮4度奪組合金獎、追平Beyond紀錄的樂隊RubberBand(RB),今晚駕臨將軍澳《蘋果日報》舉行史上首個《RubberBand x 動腦Q》「QQ地微唱會」,30分鐘加長版,只演一場!

RB的現場演唱吸引好多《蘋果》員工捧場,甫開場主音6號笑說:「你哋唔使做嘢呀,咁開心!第一次嚟到《蘋果》唱歌畀大家聽,感到好開心,因為去大機構表演畀員工朋友睇,上網見到外國好多都係咁做,反而RubberBand第一次喺香港做,我覺得好開心。」唱出第一首歌電影《逆流大叔》主題曲《逆流之歌》前,6號笑說:「舊年因為電影《逆流大叔》,大家再次認識番我哋呢班大叔。」全場大笑。

RB憑《逆流之歌》角逐今年香港電影金像獎「最佳原創電影音樂」及「最佳原創電影歌曲」,唱完後6號爆秘密:「呢首歌曲詞credit係RB,但開始嘅旋律其實係鼓手泥鯭,成件事好快速,我哋除咗做主題曲仲要做配樂,佢好快同導演交流得好好,而《逆流之歌》嘅歌詞,我太太都有畀意見,所以都要多謝番佢。」

跟着唱出第二首歌《未來見》,6號感觸說:「未來見好多時係講相聚,MV裏面泥鯭白髮造型同舊同學聚會,可能今次嘅聚會都係一年一見,可能唔知幾時再見,但每次都好珍惜大家嘅見面時間,我未試過喺咁嘅環境唱,邊度有舞台,我哋邊度都可以去;邊度有人聽我哋唱歌,我哋都會去,所以希望未來更加多見到大家。呢首歌嚟自阿正創作,呢隻歌寫畀陪佢好多年嘅狗仔,將心情變成《未來見》。」觀眾都跟着和唱,6號還跟前排觀眾握手。

之後唱初出道的歌曲《阿波羅》,唱完後6號說:「推前10年,大家因為呢隻歌認識我哋,每次又唱呢首歌,我哋都擔心會滑咗牙,但太太話你哋覺得咁啫,可能好多人第一次咁近距離聽,就算係唔係話首本名曲都好,都要用呢種態度演繹。」跟着6號介紹《發現號》:「呢首歌係阿偉寫,《發現號》記載我哋第一次concert嘅主題曲,屈指一算,其實大大小小concert都做咗好幾場,真心講好幸運可以繼續喺香港唱歌,因為有時無聊上網睇,同一年出道歌手樂隊,有啲已經轉咗行,我哋由出道到而家,仲寫緊新唱片,希望未來日子我哋出新歌,大家都要支持我哋,多謝。」

RB的落力演出炒熱現場氣氛,觀眾拍手尖叫安歌,大嗌:《睜開眼》、《小涼伴》等,RB徇眾要求唱多一首《小涼伴》完成表演。

免費訂閱《蘋果動新聞》, 無懼霸權橫行!立即登記!
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載