› 選擇地區
三藩市
紐約
洛杉磯
其他美國地區
香港 台灣 北美
 
2019年04月07日

【第二屆最港電影20分鐘足本版】華仔獲傑出貢獻工作者大獎 秋生奪最港男演員

最後更新: 0407 17:56 / 建立時間 (HKT): 0407 13:50

由《蘋果動新聞》和娛樂版舉辦的「第二屆最港電影大獎頒獎典禮」終於舉行,今屆將會頒發七個大獎,包括「最港電影」、「最港導演」、「最港男演員」、「最港女演員」、「評審團最港大獎」、「我最喜愛港片」,以及「傑出貢獻工作者大獎」,由劉德華及劉嘉玲當頒獎嘉賓。

相關新聞:【最港電影大獎】《淪落人》奪評審團最港大獎 監製陳果:有啲激動

1430 壓軸大獎「傑出貢獻工作者大獎」由劉德華奪得,由劉嘉玲負責頒獎,嘉玲在台上頒發「傑出貢獻工作者大獎」給劉德華時說:「實至名歸,傑出貢獻工作者劉德華先生!」之後全場拍掌,華仔一上台,邊做出peace的手勢邊說:「香港電影never die!其實我頭先已經講咗,只要你付出,一定有回報,我攞到!」之後華仔就拿着獎項向前行兩步,點了一下頭,然後續說:「我嘅付出亦唔會因為呢個獎而停,任何一個人想拍電影,搵我呀!」

1424 華仔公佈最港男演員得主是《淪落人》的黃秋生,秋生上台領獎時說:「呢個獎我問投票同評審委員選出嚟,我受寵若驚,我覺我運氣係高過本事。」

相關新聞:【最港電影大獎】奪最港女演員獎多謝觀眾 余香凝:如果冇人睇係冇意思

1415 陳小娟執導、黃秋生主演的《淪落人》奪最港電影,由劉德華負責頒發,陳小娟上台領獎時發表感受:「我去外地嘅時候,佢哋對香港印象都係高樓大廈同城市,其實我都好想用自己作品保存自己心中嘅香港,係一啲屋邨咁,所以而家可以有呢個最港電影大獎都非常榮幸,多謝大家。」

1408 第四個獎項「最喜愛港片」都是《逆流大叔》奪得,陳詠燊、余香凝及廖婉虹上台,先與華仔影合照,陳詠燊自爆後生是華仔fans曾追車。

1402 第三個獎項「最港導演」由《逆流大叔》導演陳詠燊獲得,,他在台上說:「好緊張!多謝評審同投票觀眾,呢個係導演獎,我其實第一次做導演,所以導演兩個字喺我心目中幾遙遠,自己做完有更加多不足地方,所以呢個獎畀我一個目標,希望自己繼續努力之下,有一日實至名歸攞導演獎,多謝大家。」

1358 第二個獎項「最港女演員」繼續由劉嘉玲頒發,由《逆流大叔》的余香凝奪得,余香凝於台上表示:「多謝嘉玲姐頒獎,多謝天下一、多謝古天樂先生。更重要係多謝導演夠膽用我。呢個獎唔係畀余香凝本人,係畀香港觀眾,如果拍香港電影出嚟冇人睇係冇意思。」

1352 第一個獎項「評審團大獎」由嘉賓劉嘉玲頒發於《淪落人》團隊,監製陳果於台上表示:「有啲激動,因為多元化冇《三夫》,不過好在有份做咗部《淪落人》,多謝《蘋果》!」

1350 頒獎禮開始,由今屆司儀CK朱晉傑和Sapna簡單講解「最港電影大獎」評審機制。

1344 劉德華及嘉玲分別接受訪問。

1332 劉德華一身smart casual造型示人,身穿牛仔褸的華仔,坐七人車抵達會場。

場地提供:香港東隅

-----------------------------
追蹤真相 守護公義
免費訂閱支持蘋果 4月10日無阻盡覽
https://hk.adai.ly/PMtkKQIUBV
-----------------------------
動腦Q金像獎周
4月8日-12日 10:30PM
Let’s Q the money!Action!
https://hk.adai.ly/zpCd06PPwV

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載