蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月16日
馬上成為壹會員

【宣佈停工】爆喊向Sammi道歉 許志安承認起色心:我係一個壞咗嘅人

建立時間 (HKT): 0416 19:15

現年51歲的許志安被發現與30歲的黃心穎在車廂激咀和有身體接觸,最後更雙雙返女方香閨,許志安今晚在銅鑼灣一間酒店舉行記者會。

相關新聞:【聲明全文】唔想任何人繼續受傷害 馬國明:盡快過咗就算喇

穿灰色上衣加黑色外套的許志安樣子憔悴,他一出場先企定讓傳媒拍照,然後90度鞠躬數秒,便坐下開始宣讀其聲明。許志安聲明全文如下:

「首先就今日嘅記者會嘅目的,真係好想親口、衷心同大家講一聲對唔住,我要為我嘅家人、Sammi嘅家人、朋友同錫我嘅人致萬二分歉意,因為自己做咗一件不可彌補、不被原諒嘅事,而呢個錯我深深咁樣去反思自己,我係一個醜惡嘅人,所以今日嚟到呢度,我係想承擔我嘅責任。

相關新聞:【安心偷食爆發前獨家專訪】新片中被老公出軌背叛 鄭秀文:人唔應該執着

我嗰晚的確係飲咗好多酒,但飲醉酒絕對唔係藉口,去犯呢啲咁錯嘅事,我非常之後悔,好難面對自己,接受唔到自己,睇到報道之後,我覺得自己好丟臉、好錯、好討厭、好惡心、好陌生,我有深刻嘅反思,覺得點解唔可以控制自己去犯呢個錯誤,起咗呢個色心。

我覺得喺承擔呢個責任,我要分兩個部份,第一部份,由而家開始我會暫停所有自己嘅工作,直至搵番一個真正嘅自己同正確嘅自己,重新檢視自己去做人;第二部份,喺我嘅心靈上,我覺得自己不知所謂,因為我嘅錯誤同因為我嘅行為,令身邊所有愛我嘅人,承受一種咁大壓力同痛苦,我希望喺嚟緊日子裏面,將所有被我整傷過、整痛嘅人,都可以好好……呢一個報道令我深刻嘅反思,我其實最錯地方係迷失咗自己,最後我要再一次同所有愛我嘅人講聲,我令到你哋難堪,我做錯咗,對唔住!同埋對唔住Sammi!我唔知以後點樣去走自己嘅路,我呢一刻係冇咗靈魂,我係一個壞咗嘅人,希望大家可以畀時間我搵番自己,最後再一次同所有朋友講聲對唔住!」

許志安在宣讀期間,不時抽咽,而且後來越講越激動,許志安一度要用紙巾拭淚,後來甚至痛哭流涕,情緒相當激動。整場記者會約長7分鐘,許志安在宣讀完自己的聲明後,便轉身離開,並再次在傳媒面前作90度鞠躬達5秒,便跟工作人員離開。記者提出的提問,包括許志安的太太Sammi是否原諒他等問題,一概沒有回應。

另外,許志安的IG亦有貼出全黑圖,及貼道歉文章,內容與記者會大致一樣,但最後許志安還寫下:「最後作為一個丈夫,我要向Sammi說對不起,這是一個徹頭徹尾的錯誤,我感到慚愧及痛心。請大家給予時間和空間我去學習怎樣去改過及重新去做一個人。」

黃柏高晚上透過太陽娛樂發聲明:「本人今日中午剛從北京返港,一到埗後已即時收到許志安的電話,就其醉酒及不當的行為道歉;深明犯下了嚴重過錯,表示希望暫停手上所有工作,深切反省。作為公眾人物,必須有恰當行為,亦要為自己行為負責,今次許志安嚴重的過錯,公司的立場會即時暫停許志安所有工作。 」

-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI

【聲明全文】唔想任何人繼續受傷害 馬國明:盡快過咗就算喇 【安心偷食爆發前獨家專訪】新片中被老公出軌背叛 鄭秀文:人唔應該執着 【即時文摘】許志安燒了巴黎聖母院?(高慧然) 【即時文摘】「安心事件」無人倖免(曾志豪) 【即時文摘】「安心偷情」該寫入香港史(馮睎乾) 【杏兒舊拍檔】評「安心偷食」被狂插 設計師Kev「彈弓手」刪帖 【劃清界線】unfollow妹妹IG 黃心美:我都唔知點解 【預算案】楊岳橋引許志安金句 冀有新理財哲學免令香港「壞咗」 【安心偷食】玩直播稱藝人也是人 吳宗憲:就突然想來一下 【預算案】寸波叔器量唔及馬明 何啟明急補鑊:唔敢話佢唔係真男人 【希望早日平息】Sammi原諒安仔 梁漢文看過文章後﹕覺得好感動 【香港馬拉兩地抽水】鯉魚門或成最大贏家 導演章國明:我買嘢有六折 【安心偷食】黃心穎偷食連累家姐 黃心美宣傳片被抽起 【感謝Sammi】安仔痛定思痛 經理人Paco:希望大家畀多次機會 【逾17萬like】祖兒千嬅貼心形圖案 群星撐Sammi 【以蘆葦形容許志安】偷食獲原諒 張衞健指Sammi需要好大勇氣同包容 【出軌男人・不一樣的結局】呂慧儀決定做單親媽咪 轉發帖文為Sammi打氣 【神愛世人】Sammi引用聖經金句表達情感:凡事包容 【安心偷食】傳有人求出聲明撐安仔 Sammi封閉自己零反應
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載