蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月17日
馬上成為壹會員

【聲明全文】唔想任何人繼續受傷害 馬國明:盡快過咗就算喇

建立時間 (HKT): 0417 17:34

《蘋果》昨日獨家踢爆現年30歲的黃心穎在車廂胸壓51歲人夫許志安(新聞連結: https://bit.ly/2v6HdZN ),事件男主角許志安昨晚率先開記者會公開道歉,並聲淚俱下表示對不起鄭秀文(Sammi),又指會暫停一切演藝工作(新聞連結: https://bit.ly/2IBZjL5 ),而女主角黃心穎亦於今日下午5時在IG回應稱「無法面對自己」。(新聞連結: http://bit.ly/2PeaXgC )

相關新聞:【宣佈停工】爆喊向Sammi道歉 許志安承認起色心:我係一個壞咗嘅人

而事件另一受害人馬國明,今日如常返將軍澳為新劇《降魔的2.0》開工,他在下午4時多入化妝間準備,更應傳媒要求先拍照。下午約5時10分,馬國明大方回應「安心偷食」事件,全文如下:

「其實呢件事我知道咗之後,我好快已經冇咗嬲呢個感覺,我係好平靜,我係好快變成擔心,我好擔心牽涉到呢件事嘅所有人,任何一個受到傷害我都係唔希望。

相關新聞:【安心偷食爆發前獨家專訪】新片中被老公出軌背叛 鄭秀文:人唔應該執着

我唯一可以代表佢(心穎)講少少嘢,其實我知佢都知自己做錯,我都知佢好想出嚟同大家講,但公司驚佢情緒唔穩定,會講錯嘢,所以就冇安排佢出嚟同大家講,我知道佢啱啱出咗IG,佢要講都講咗,佢仲好年輕,未來仲有好多路要行,我希望大家畀個空間佢。

至於我呢,大家唔需要擔心,我會繼續專心工作,我繼續拍好我嘅戲,我仲開緊工,我唔希望影響到呢套戲嘅進度。

其實安仔自己都講咗嘢,咁安仔講咗我就唔會發表任何意見,因為我覺得呢個世界除咗安仔老婆之外,其實大家都冇資格可以發言,所以我盡快平息咗佢,就算喇。

我最後想交代嘅就係,我知道有啲媒體會訪問我屋企人,我希望大家高抬貴手。無論我媽咪又好Daddy又好,都唔係呢個圈嘅人。你知大家咁多位記者朋友技巧好高,我媽咪突然被咁多支咪『隊』埋去呢,佢係會驚嘅,佢可能會講錯咗嘢,我希望唔好將我媽咪講嘅說話放大,我亦都唔會就佢講嘅任何一句說話回應,我只係希望大家唔好嚇親我屋企人。

其實都冇乜再需要交代,我要講嘅係咁多,希望唔好將件事繼續發酵,唔好再令更多人受傷害,呢件事平息咗佢,盡快過咗就算喇。」

-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI

【宣佈停工】爆喊向Sammi道歉 許志安承認起色心:我係一個壞咗嘅人 【安心偷食爆發前獨家專訪】新片中被老公出軌背叛 鄭秀文:人唔應該執着 【即時文摘】許志安燒了巴黎聖母院?(高慧然) 【即時文摘】「安心事件」無人倖免(曾志豪) 【即時文摘】「安心偷情」該寫入香港史(馮睎乾) 【杏兒舊拍檔】評「安心偷食」被狂插 設計師Kev「彈弓手」刪帖 【劃清界線】unfollow妹妹IG 黃心美:我都唔知點解 【預算案】楊岳橋引許志安金句 冀有新理財哲學免令香港「壞咗」 【安心偷食】玩直播稱藝人也是人 吳宗憲:就突然想來一下 【預算案】寸波叔器量唔及馬明 何啟明急補鑊:唔敢話佢唔係真男人 【希望早日平息】Sammi原諒安仔 梁漢文看過文章後﹕覺得好感動 【香港馬拉兩地抽水】鯉魚門或成最大贏家 導演章國明:我買嘢有六折 【安心偷食】黃心穎偷食連累家姐 黃心美宣傳片被抽起 【感謝Sammi】安仔痛定思痛 經理人Paco:希望大家畀多次機會 【逾17萬like】祖兒千嬅貼心形圖案 群星撐Sammi 【以蘆葦形容許志安】偷食獲原諒 張衞健指Sammi需要好大勇氣同包容 【出軌男人・不一樣的結局】呂慧儀決定做單親媽咪 轉發帖文為Sammi打氣 【神愛世人】Sammi引用聖經金句表達情感:凡事包容 【安心偷食】傳有人求出聲明撐安仔 Sammi封閉自己零反應
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載