蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月18日
馬上成為壹會員

【安心偷食爆發前獨家專訪】新片中被老公出軌背叛 鄭秀文:人唔應該執着

最後更新: 0418 12:48 / 建立時間 (HKT): 0418 12:38

被背叛那種無力感,可以掏空一個人。本報前日獨家報道許志安跟黃心穎車廂16分鐘「捉摸錫」影片的「安心偷食」(相關新聞: https://bit.ly/2v6HdZN ),敲碎的不止鄭秀文(Sammi)的心,還有一份信任及感情。

相關新聞:【聲明全文】唔想任何人繼續受傷害 馬國明:盡快過咗就算喇

所謂戲如人生,無獨有偶Sammi跟梁詠琪(Gigi)早前合作,演出關錦鵬導演的電影《八個女人一台戲》,戲中Sammi的遭遇跟現實一樣,更被背叛了兩次。可幸電影帶出「釋懷」同「放開」的訊息,為被背叛的Sammi提供出路。

Sammi在05年跟關錦鵬合作電影《長恨歌》,當時一波多折,先是Sammi患上腮腺炎及抑鬱症,拍攝進度受影響,錯過了康城影展,惟有轉戰參加威尼斯影展。事隔14年,Sammi再次走進關錦鵬的電影世界,演出《八個女人一台戲》,演一名資深舞台劇演員。丈夫出軌背叛,更不幸跟情婦意外離世;到戲中戲部份,他亦被演丈夫的林保怡背叛,無疑對她演技的極大考驗。

相關新聞:【宣佈停工】爆喊向Sammi道歉 許志安承認起色心:我係一個壞咗嘅人

早前Sammi與梁詠琪(Gigi)為《八》片宣傳,在黃竹坑接接受訪問,這趟是與關錦鵬相隔20多年再有合作,開宗名義關錦鵬拍攝的初心,是想借電影帶出執着過去人和事,會令人在不知不覺間陷入迷茫,跟隨別人步伐而走。關錦鵬想點出,學習解開執着的心魔釋懷一切,重新走出屬於自己人生,為Sammi作借鏡。

Sammi表示當初收到劇本,極短時間就決定接拍,Sammi說:「我好鍾意個角色,同埋呢套戲講緊其實每個人都唔應該咁執着,同埋如何對自己釋懷,如何對過去憎恨同唔鍾意嘅嘢去釋懷,係每個人人生好大課題。」Sammi透露有一幕觸動觀眾心靈的喊戲,感觸良多:「嗰一幕可能對觀眾比較震撼,因為眼淚鼻涕走晒出嚟,同埋有好多複雜情感,我記得當日到現場一句嘢都唔敢講,要培養情緒等嗰一下爆發點。」反而Sammi印象最深是跟戲中飾演助手的內地演員齊溪一場戲,講述她在丈夫及小三離世後,要搬離丈夫的大學宿舍,回到舊居。面前舊物令她未能走出過往的陰霾,最後齊溪對Sammi當頭棒喝,助她走出死蔭幽谷,她說:「因為當中有好多情緒層面要表達,已經超越用喊嘅方式去表達。」Sammi笑言現實中的同事們跟戲中齊溪一樣,敢於為她分析利弊得失,為她作出最佳選擇。

今次以舞台劇綵排作故事背景,兩人需要演戲中戲的情節,Sammi直言好鍾意戲中幾場演舞台劇的戲份,她說:「其實我哋嘅恩怨,對彼此憎惡,嗰種不滿,就係大家藉着喺台上對戲時暗暗地射箭,係寫得維妙維肖,既係演戲中人物,又好似做台上一台戲,係一種雙重意義,係好有趣。」Gigi同樣喜歡戲中戲佈局,因為到最後兩人都化解了某部份誤會而釋懷,好似跟台上的戲有平衡時空發展感覺。

事隔多年再接拍關導作品,Sammi完全拋開之前接拍《長恨歌》時一切問題,她笑說:「好從容,對處理角色上信心都幾大,完全好似有一種好有信心喺掌握之中去做。對上一次拍《長恨歌》,我唔係一個最好狀態,無論身體同心靈上都係病緊,所以回想嗰次合作,自己真係唔能夠完全享受同阿關嘅合作關係,咁純粹嚟自自己問題,今次整個人狀態,或者身心靈好番晒時候,無論相處同合作上,都覺得係好新體會,更加感受阿關作為導演駕馭現場能力。」Sammi覺得執着就如心魔一樣,只要解除了便活得自在。

場地提供:Marriott Hong Kong Ocean Park
髮型:Joey hui@hairculture(鄭秀文)、Pius Yiu (Orient 4) (梁詠琪)
化妝:Ricky Lau@ ZING the makeup school (鄭秀文)、Dephine Chan (梁詠琪)

-----------------------------
熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI

【聲明全文】唔想任何人繼續受傷害 馬國明:盡快過咗就算喇 【宣佈停工】爆喊向Sammi道歉 許志安承認起色心:我係一個壞咗嘅人 【即時文摘】許志安燒了巴黎聖母院?(高慧然) 【即時文摘】「安心事件」無人倖免(曾志豪) 【即時文摘】「安心偷情」該寫入香港史(馮睎乾) 【杏兒舊拍檔】評「安心偷食」被狂插 設計師Kev「彈弓手」刪帖 【劃清界線】unfollow妹妹IG 黃心美:我都唔知點解 【預算案】楊岳橋引許志安金句 冀有新理財哲學免令香港「壞咗」 【安心偷食】玩直播稱藝人也是人 吳宗憲:就突然想來一下 【預算案】寸波叔器量唔及馬明 何啟明急補鑊:唔敢話佢唔係真男人 【希望早日平息】Sammi原諒安仔 梁漢文看過文章後﹕覺得好感動 【香港馬拉兩地抽水】鯉魚門或成最大贏家 導演章國明:我買嘢有六折 【安心偷食】黃心穎偷食連累家姐 黃心美宣傳片被抽起 【感謝Sammi】安仔痛定思痛 經理人Paco:希望大家畀多次機會 【逾17萬like】祖兒千嬅貼心形圖案 群星撐Sammi 【以蘆葦形容許志安】偷食獲原諒 張衞健指Sammi需要好大勇氣同包容 【出軌男人・不一樣的結局】呂慧儀決定做單親媽咪 轉發帖文為Sammi打氣 【神愛世人】Sammi引用聖經金句表達情感:凡事包容 【安心偷食】傳有人求出聲明撐安仔 Sammi封閉自己零反應
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載