› 選擇地區
三藩市
紐約
洛杉磯
其他美國地區
香港 台灣 北美
 
2019年04月27日

【喱騷要員已讀不回】程美段就「拖糧」圖文反擊阿澤 等足3個月未收到錢

建立時間 (HKT): 0427 21:43

杜汶澤網台「杜汶澤喱騷」經常邀請美女演出,他今日在Facebook出post,開名揶揄曾合作節目《為何深夜總是餓》的程美段,就自己公司同事遲入數一事,程美段未有向自己投訴,就已經向傳媒放風,令他大感不滿。

相關新聞:【阿澤有嘢講】不屑被爆乳程美段指拖糧 杜汶澤:入咗錢去你戶口

對疑似拖糧事件,程美段晚上就在Facebook圖文並茂作出反駁,留言:「就杜汶澤先生Facebook疑問一事,我都想解釋一個清楚,當中我可能有處理不當,世上所有事,都離唔開『人之常情』四個字。」

程美段首先指出,今年1月22日為杜汶澤網台進行所有集數拍攝,到本月4日及6日以WhatsApp聯絡杜汶澤喱騷員工豪仔,查詢有關入數的最新情況,但兩次都得不到回覆。直至10日豪仔才以錄音短訊查詢程美段的銀行資料,準備過數。程美段稱接到豪仔錄音後,即日交齊所有資料,直至14日有事離港前都有再次追問豪仔,但仍然沒有音訊。程美段澄清,期間接獲記者朋友詢問工作近況,才將自己未來計劃,甚至連同未出糧、回覆慢一事交代。

程美段強調自本月4日開始,只收到豪仔一次回覆,她又揶揄豪仔:「豪仔係LateShow重員,忙碌係人之常情。工作太多,有時揀WhatsApp去覆都係人之常情。」她指自己要不斷接job維持生活,當面對遲入數、沒人回覆,焦慮會是人之常情。

至於在阿澤炮轟之後,程美段稱同時亦收到豪仔回覆入數紙的相片,入數紙顯示日期為2019年4月4日,亦是阿澤所指的「4號已入數」,但程美段翻查記錄,到賬日期是4月24日,即足足相差20日。程美段向豪仔求證,豪仔承認是在4月24日入數,才發現入數紙沒有清楚顯示「24」的「2」字。

程美段又指雖然自己有阿澤電話,但自己一直與豪仔聯絡,沒有理由要向阿澤投訴,她又謂沒有刻意張揚被疑似「拖糧」一事,反而有人誤會入數日期而發火,又明言:「如果係我錯,我可以向任何人道歉。」

除了為疑似「拖糧」一事解釋,程美段亦有就阿澤兩次撰文反擊回應,她稱:「杜生都有透露之前有意簽我做佢旗下,但我婉拒咗。如果我要用杜生博見報,以佢當紅程度,佢想簽我呢類係人都可以一腳踩死嘅小藝人,呢單大嘢就唔會係由杜生自己向記者講,而係我周圍同人講嚟自抬身價。藝人同記者嘅關係,杜生應該比我更清楚。如果我等足3個月都未收到錢,仲長期畀對方已讀不回,咁都叫博見報,咁我程美段道歉,係我多口向記者講,抱歉,對唔住。」

《MCU寶石時軸全記錄》
1套6冊解構Marvel電影宇宙
入場睇Endgame前必讀天書!
https://hk.adai.ly/IFk7iee55V
-----------------------------
【記住63836568】全民爆相爆片!下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載