› 選擇地區
三藩市
紐約
洛杉磯
其他美國地區
香港 台灣 北美
 
2019年05月19日

【現身解畫】姚子羚稱不知被影床照 大婆蔡宛珊知兩人交往

建立時間 (HKT): 0519 18:50

姚子羚今日被《蘋果》踢爆搭上已婚夜店董事Raymond,並陷入四角戀。姚子羚今晚返回將軍澳無綫電視廣播城拍攝劇集《唐人街》,大批傳媒等候。

相關新聞:【情敵定朋友?】姚子羚戀上人夫 「大婆」蔡宛珊17歲入行做模特兒

傍晚6時37分,戴cap帽的姚子羚現身為疑搶人夫事件解畫,她雙手合十說:「唔好意思,要大家等。」

姚子羚耐心等待傳媒拍照及預備,之後表現冷靜說:「首先我想講,我認識Raymond,我同佢交往時,佢同Sarika已經分開咗一段時間,到現時為止佢哋應該分開兩年,我同Sarika係相識,而Sarika都知當時我係同Raymond交往。」

相關新聞:【狗仔出更】姚子羚日夜忙拍劇 男友Raymond一支公dry爆四圍蒲

問到是否跟Raymond分手了?子羚說:「我哋目前係普通朋友。」至於分手原因,她表示細節不想再講:「總之呢個關係對大家係最舒服。」問是否冇介入別人婚姻?她澄清:「我同佢相識時,佢同Sarika已經分開咗,到目前為止已經都兩年。」

至於子羚跟Raymond分手幾耐?她說:「分咗手都一段時間,實質幾耐我唔想再去提及。」今次相片點解流出,有冇懷疑任何人?子羚坦言:「有嘅,但去到目前我唔想深究,只係覺得好驚訝,點解兩個人照片喺外間流出,我覺得好驚訝一件事,但冇再去諗點解。」問到相片幾多人擁有?她說:「呢個唔應該問我,某啲合照我有。」至於床照?她表示:「床照係我唔知,如果有啲真係我覺得非常過份行為,我會同公司商量點打算。」

她指現時兩人是朋友關係,問到是否遇人不淑?她說:「要講都講晒。」會否好嬲被人出賣?她說:「未有時間去諗,只想澄清番我同佢一齊時,佢已經同Sarika分開咗。」會否擔心有更激相或短片流出?她說:「呢個我唔知。」

工作會否有影響?她說:「冇收到任何通知,目前一刻專心工作,其他嘢唔重要,亦都會放低,我對感情好認真女仔,希望感情關係好簡單。」有否跟Raymond聯絡?她坦言:「就呢件事有。」有冇同你道歉?她說:「你要問番當事人。」公司有冇搵你照肺?她說:「要回應已經回應晒。」


-----------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片!下一個爆料王就係你
https://bit.ly/2Guolu9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載