› 選擇地區
三藩市
紐約
洛杉磯
其他美國地區
香港 台灣 北美
 
2019年05月22日

【同馬浚偉談情】獲顧美華讚無添加 余香凝:樣貌平凡,仲有啲腫

建立時間 (HKT): 0522 16:25

馬浚偉自編自導自演的新片《生前約死後》,今日在新蒲崗進行開鏡拜神儀式,戲中演員顧美華、余香凝等都有出席。馬仔透露電影版與早前公演的舞台劇版本骨幹一樣,但內容方面有點修改,他與顧美華飾演兩母子,他說:「電影版會多啲畫面、細緻啲,同埋幾震撼,情緒起伏會好大,我之前拍一場戲,喊到我豬頭咁,情緒令到我皮膚敏感。」

馬仔完成舞台劇後,隨即投入拍攝電影工作,就連顧美華也笑言看到馬仔這麼努力,都不禁目瞪口呆,「佢嘅工作節奏好快,放慢啲?佢唔聽㗎,佢前晚先返嚟香港,跟住未停過。」馬仔說:「我想珍惜時間,有時間就盡做,好彩阿媽(顧美華)幫我慳咗好多時間。」

顧美華指做演員很舒服,到片場就埋位投入拍攝,但馬仔身兼多職,實在是非一般的「仔」,馬仔說:「我做到分裂咗好多個自己出嚟,好多嘢要兼顧,因為角色,我又要減肥,變得個人好心急,情緒有時波動,所以執行導演同副導演有時都要受我氣。」

問到是否首次與余香凝合作?馬仔表示:「係呀,我有睇《骨妹》,我覺得好好睇,余香凝同廖子妤畀我好好印象,所以搵咗余香凝試鏡,佢飾演我嘅心理醫生,仲有少少感情線。」顧美華說:「而家好難得搵到一個無添加嘅女仔。」

被馬仔和顧美華大讚,余香凝表示很開心,「今次試鏡同好多人一齊爭呢個角色,好開心美華姐有睇過我之前嘅戲,受寵若驚。」提到被讚樣子無添加,余香凝笑說:「我個樣平凡,今日仲有啲腫。」她指馬仔為人很友善,對她很有耐性,笑言之後要拍一場崩潰喊戲,希望馬仔會收貨。余香凝又稱:「為咗呢個角色,我要背好多醫學名詞,睇好多精神科嘅資料,因為我下一部要演精神科病人,可能大家覺得我癲癲哋。」她表示要忙到7月,才有時間與媽媽和妹妹去希臘玩10日。

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片!下一個爆料王就係你
https://bit.ly/2Guolu9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載