› 選擇地區
三藩市
紐約
洛杉磯
其他美國地區
香港 台灣 北美
 
2019年05月24日

【壹傳媒寵物嘉年華】羅霖帶歲半愛犬Creamy做分享 籲香港多點寵物共融空間

建立時間 (HKT): 0524 18:50

《壹傳媒》今日在將軍澳工業區的蘋果日報大樓,舉辦寵物嘉年華活動,吸引大批「狗奴」員工參與,現場亦有不少毛孩精品攤檔,還有導盲犬分享、保護遺棄動物協會義工櫃位等,《蘋果》邀請了美魔女羅霖與她的1歲半松鼠狗Creamy來出席分享講座。

羅霖的小狗Creamy來到嘉年華,主動與其他大小狗狗玩耍,更興奮得即場派「金」,作為負責任的主人,羅霖即時為愛犬「執金」,絕不假手於家傭,又笑指Creamy因為太興奮才「出事」。羅霖在嘉年華活動遇上一隻名叫Cotton的導盲犬,上前與導盲犬導師講狗經,大讚導盲犬幫助視障人士很偉大,之後再向保護遺棄動物協會義工查詢領養毛孩的詳情,更即場捐款做善事。

在分享講座上,Creamy十分搶鏡,吸引不少員工同事上前與牠合照,受歡迎程度超越羅霖,羅霖表示Creamy的性格平易近人,訓練她的導師認為她合資格做狗醫生,她亦想愛犬成為狗醫生,奈何羅霖本身工作太忙,未有時間帶Creamy去接受訓練。她在現場分享飼養Creamy點滴時說:「好多人養寵物都係因為佢得意,不過呢個係一世責任,要陪佢玩、傾偈。」她又說,Creamy雖然只得1歲半,但已相當關注養生健康細節,除了主食吃雞肉、菜,亦有餵牠骨粉、三文魚魚油、維他命C等,又指Creamy因為好動活潑,好早已注意到牠有關節問題,故已在家買了樓梯給牠。

首次出席公司為員工辦的寵物活動,羅霖大讚:「我都想可以帶住狗狗去開工,呢類嘉年華係可以鼓勵員工帶寵物返工,而狗狗又多了地方去,員工之間多咗話題,可以交流心得,又可以去shopping,係相當好,應該每年都要搞。」

羅霖指香港能與動物共融的空間不多,她都希望多些公司、餐廳、公園可以讓寵物去,「寵物主人都係好有公德心,會善後寵物嘅大小便,寵物多啲空間,佢哋心情都會開心啲,好似Creamy聽到有街去,佢都會好興奮好開心。」

問到她在講座中提到考慮為愛犬結紮的問題,羅霖表示:「佢就快兩歲,我哋諗緊要唔要幫佢結紮,我3個仔當然反對,因為唔捨得畀佢做手術,要全身麻醉,而我都唔捨得,我都冇打算要Creamy生BB,不過聽到有醫生話結紮對寵物健康好,病痛少啲,但亦有持相反意見,我而家都係聽緊兩方面意見。」

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片!下一個爆料王就係你
https://bit.ly/2Guolu9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載