› 選擇地區
三藩市
紐約
洛杉磯
其他美國地區
香港 台灣 北美
 
2019年05月26日

【搶陳豪飯碗】鄭嘉穎升級爹哋家庭至上 推Job湊仔專職餵奶

建立時間 (HKT): 0526 16:50

鄭嘉穎今日在柴灣出席親子活動,楊洛婷則擔任司儀。席上,嘉穎表示今次是首次參與親子活動:「證明升咗呢,以前呢啲係陳豪做架嘛!」做了爸爸後,嘉穎指自己在心態上有很多改變:「以前我係自我中心,而家會以家庭為中心,老婆都後少少。」楊洛婷提到嘉穎鍾意打網球,會否培養兒子做一個亞洲網球王子?嘉穎即笑說:「係世界,咩亞洲!」最後,嘉穎獲一位小男孩送上紀念品,嘉穎露出一副慈父樣。

受訪時,嘉穎指自己的確已升呢,做了爸爸,有不同工作,他笑說:「多謝阿仔益老竇,今次真係搵奶粉錢。」問到現時是否不捨得工作,要在家陪伴兒子?他說:「走短期都OK,如果要走3、4個月就真係太長,我有推過,其實我已經覺得自己好幸運,如果早10年,我冇得去揀,而家我情願去湊阿仔,人生唔同嘅階段做唔同嘅嘢,我都好幸運而家可以揀嚟做,睇下點啦,電影短期都OK嘅;阿仔每日都唔同樣,每日起身都會衝入去睇吓佢咩樣,係好有趣嘅人生一個階段。」

嘉穎又指現時與太太陳凱琳照顧兒子時會分工:「佢鍾意換片,佢話唔臭,佢話香架喎,我就負責餵奶同掃風,沖涼就大家都識,我哋唔會爭,知道自己嘅崗位。」提到兒子鄭承悅百日宴,嘉穎說:「請咗圈內圈外嘅朋友嚟,大部份都有小朋友,小朋友一齊玩。」

談及太太的地位不及兒子,嘉穎立即解畫:「阿仔而家係最需要人照顧嘅家庭成員,或者將來有第二個嘅話,佢(阿仔)又會退一退,因為有第二個更需要你去照顧。」何時再追第二個小朋友?嘉穎希望太太先唞一唞:「其實太太係最愛,等我補番鑊先,因為仔女會大,仔女會離開你架嘛,最後同你一齊嗰個都係你太太,所以太太係最愛,咁我今晚返去就冇事啦!」

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片!下一個爆料王就係你
https://bit.ly/2Guolu9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載