黎明、陳潔靈、周柏豪、連詩雅、吳若希等，昨晚出席公益金活動。對於胡鴻鈞上星期為無綫拍新劇《降魔的2》時，不慎由高處墮下受傷入院，雖然胡鴻鈞的唱片公司老闆何哲圖，昨日到醫院探望後表示胡鴻鈞因間中有頭暈，所以暫時未能出院（新聞連結： https://bit.ly/30JF5G5 ），與他份屬好友的吳若希就暗示對方曾昏迷，更指他起碼要休息一個月。
胡鴻鈞受傷後第二天已去醫院探望的吳若希表示，胡鴻鈞現在人是清醒的：「因為始終係跌親個後尾枕，都要時間康復。我都知佢希望大家唔好太擔心佢，畀多啲時間佢休息，我就覺得唔好去打擾佢，因為呢段時間係康復好緊要嘅時間，呢段時間一定要畀佢唞，要瞓好多。我哋知道佢冇事、醒番，就冇話每日特別搵佢。」而吳若希指加上知道對方這段時間有很多的檢查要做，故想等所有檢查做完才再去，更大爆：「聽聞要起碼休息一個月。」
問到胡鴻鈞要休息一個月，傷勢是否頗嚴重，自知講錯說話吳若希則口窒窒兼臉露尷尬笑容，然後望着身旁的周柏豪求救，這時周柏豪就幫口說：「休息吓啫，之前忙呀嘛，同埋醫院嗰啲要排期排好耐。」吳若希隨即附和說：「係呀，係呀！」，吳若希又露下月會跟胡鴻鈞到美國開演唱會，故希望對方能盡快復元。
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9
