› 選擇地區
三藩市
紐約
洛杉磯
其他美國地區
香港 台灣 北美
 
2019年06月09日

【樂瞳計劃雪卵】黃澤鋒戥太太被網民攻擊感不值 陳麗麗或擇日剖腹誕B

(攝影:卓寶花)
建立時間 (HKT): 0609 15:47

樂曈和黃澤鋒今日在ViuTV錄影遊戲節目《估你唔到》,黃澤鋒的太太陳麗麗亦到場,他們更一同接受訪問。陳麗麗的預產期在7月尾,兩人表示還未準備好「走佬袋」,並透露明天會見醫生決定是否擇日開刀,他們說:「畢竟有番咁上下年紀,體能恢復較慢,開刀將危險性減低,BB早日到手安全啲。」他們透露腹中BB現時約4磅幾,十分健康正常,陳麗麗說:「我保持戒口,忍埋幾個月,有足夠養份畀BB就OK。」黃澤鋒以樂觀心態準備迎接新生命來臨,已計劃分配餵奶時間,讓太太晚上可以休息。問到會否獎勵太太?黃澤鋒笑指:「我囉,佢可以攞我戶口啲錢,總之我唔會拎錢嚟貼第2個,只會貼我老婆,一生人最偉大成就係娶到我老婆。」

陳麗麗高齡懷孕被網友留言攻擊,黃澤鋒替老婆不值:「唔祝福都唔好詛咒。」陳麗麗則說:「我唔係娛樂圈人,最初感覺好大,見到(黃)翠如結婚,啲人都話睇佢幾時離婚,啲留言都警惕我,雖然係一個壞消息,但會轉化佢,例如會話我小朋友大個邊個照顧,我會健康啲,做好啲自己。」

樂曈眼見陳麗麗懷孕,戥對方高興,她說:「覺得呢個年紀仍然可以有BB,係女士們一個好希望,所以計劃今年會雪卵,因為未有做媽媽心理準備,但又唔想質素下降時先雪,另一方面好擔心會暴肥腫脹。」樂瞳曾經推出寫真,反應熱烈,提到一年一度書展即將來臨,她決定一本絕迹,沒有打算再出擊,樂瞳說:「媽咪嚴重警告我唔可以再出寫真,佢思想好保守。出咗一本留念就夠,留低咗最好一刻畀大家,第日性感想喺IG post畀大家睇就算。」

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片!下一個爆料王就係你
https://bit.ly/2Guolu9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載