› 選擇地區
三藩市
紐約
洛杉磯
其他美國地區
香港 台灣 北美
 
2019年06月10日

【6.12罷工罷市】譚小環杜汶澤表態撐 吳啟明:惡法令香港法治嚴重受影響

最後更新: 0610 15:04 / 建立時間 (HKT): 0610 15:00

誰說戲子無情!昨日103萬名港人上街,向政府提出的《逃犯條例》修訂說不,就是怕被誣陷罪名盲目「送中」。

相關新聞:【6.12罷工罷市】林日曦宣佈公司停運一天 「喱騷」CEO杜汶澤:絕不秋後算賬

在聽到市民聲音之後,特首林鄭月娥的即時回應,修訂將於本周三(12日)繼續在立法會恢復二讀辯論,同日將會進行三讀,惡法即時殺埋身。有網民將行動升級,發起「6.12罷市」,截至中午已經有30間公司、店舖響應,當中不乏圈中人經營的生意。

在經典電劇《大時代》中演鄭少秋兒子丁旺蟹的吳啟明已退出幕前,近年專注經營上環的食肆「慢煮兩餐」。他今日接受《蘋果日報》電話訪問時,已表明會響應罷市行動:「我係會罷市,原本噚日(星期日)會去遊行,因為星期六睇咗醫生,所以冇去到。我係支持反修訂同埋響應12號(星期三)罷市。損失幾多錢唔重要,重要係支持反修訂。我了解修訂係乜嘢,所以反呢條條例,並唔係反政府,我係愛國愛港,我覺得呢條惡法係會令香港法治嚴重受到影響。嗰日係全日休息,返去會同員工暸解下係咪反修正,如果係就啱啦,一齊支持。如果有人唔係嘅話『我支持修訂嘅』,咁唔好意思嘞,你都係唔使返工一日,不過都會有人工。」

相關新聞:【6.12罷工罷市】譚小環小食店宣佈當日拉閘「同大家一齊尋回香港味」

另一位前藝人、港姐譚小環跟老公蔡強榮開設的「渣哥 一九九六」亦會加入罷市行列(相關新聞: https://bit.ly/2Mz5Nhr )。今日小環在facebook官網宣佈怕「港味」被「越吹越淡」:「我哋怕有朝一日,香港唔再似香港,香港人唔再似香港人,香港小食唔再似香港小食。所以決定(6月12日)星期三,全線拉閘停業一日。希望同大家一齊去搵番浸香港味。」獲不少網民留言支持。

其實最早支持罷市的藝人老闆,要數到網台「喱騷」行政總裁的杜汶澤及「毛記電視」揸弗人「腦細」林日曦(相關新聞: https://bit.ly/2EXUA44 )。阿澤透過社交網通知員工,對想罷市的員工,發出「不反對通知書」,表明不秋後算賬,變相鼓勵他們罷市。而林日曦更是圈中首個宣佈612罷市的上市公司老闆,亦明知不可為而為「反對有冇用、遊行有冇用、嗌救命有冇用、係,其實好似好多嘢都冇用......」。

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片!下一個爆料王就係你
https://bit.ly/2Guolu9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載