蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年06月13日
馬上成為壹會員

【引渡惡法】杜汶澤斥警察合照惡心 林日曦上載16歲示威女孩的吶喊

網上圖片
建立時間 (HKT): 0613 12:08

港府強推「逃犯條例」引發民怨,昨日香港上演第二次雨傘革命,警方將示威定性為暴亂,出動布袋彈、橡膠彈、催淚彈對付手無寸鐵的示威者,至少72人受傷。

相關新聞:【引渡惡法】曾捲入同志富商劉公子風波 港島總區高級警司被影猛男寫真

昨晚,很多香港人都睡不着,杜汶澤的網台「喱騷」晚上在FB譴責香港警察:「本台重申,我哋係強烈譴責香港警察,以極不人道嘅方式,對待今日喺立法會示威嘅年青人。而警方完咗驅散行動後,仲喺現場合照留念,此舉實在令人惡心。請各位網民繼續分享警方今日嘅『行動片段』,畀更多人睇到,香港警察嘅可恥行為。」

今早,阿澤以CEO身份在「喱騷」FB出聲明:「本台由開台至今,一直以嬉笑怒罵的風格,製作出各種不同類型的節目娛樂大家,但有鑒於近日香港形勢,所謂我有心情做,你都未必有心情睇,本人決定有限度播放節目,而基於對尊貴客戶的贊助負責,《為何深夜總是餓》將會如期播放。港難當前,敬希諒鑒!並祝香港早日康復。」

相關新聞:【引渡惡法】警察武力鎮壓示威者 葉蘊儀流淚:我也是一位母親!

至於100毛的腦細林日曦,為抗衡暴政同樣決定只提供有限度服務:「屋企有事。接下來嘅日子,本公司只會提供有限度服務,謹此向所有合作伙伴致歉。我們尊重同事個人選擇,如決定要外出處理家事,可選擇流動辦公或者直接向上司請事假,一定會批的,絕不扣糧扣假。其他決定留守公司嘅同事,亦請盡量互相幫忙,見步行步,直至我哋個屋企好返。香港人萬事小心。」

林日曦更收到一個媽媽send給他的錄音,內容是其16歲女兒參與示威的感受,仍未成年的她站上前線返送中,聲嘶力竭哭喊:

「我今日是其中一位參與示威嘅人,我有一群朋友大家都係10幾歲,今天(6月12日)出來唔係為咗打卡、唔係因為朋友輩影響。點解我哋不顧一切、不顧自己嘅安危走出嚟?係因為我們喜歡香港呢個地方,相信香港係一個自由嘅地方。政府會聽我哋嘅意見,但原來唔會!

6月9號、103萬人上街,林鄭月娥可以將所有上街嘅人講嘅話、所表現嘅唔當一回事。唔緊要,我就當你認為我哋唔夠堅持,我們今天再出嚟。

一開始我都唔敢落馬路,只敢喺天橋睇住示威者喺樓下,我知道自己好軟弱,我喺嗰一刻真係覺得自己好無助,我喺天橋上睇到喺另一邊嘅馬路,有一位婆婆,70幾80歲都願意出嚟,為乜嘢呀?唔係為咗自己。

我作為一個中學生,跟同學冇做任何暴力嘅行為,而警察不斷發放催淚彈,知道我當時身處邊度嘛?係示威區。唔單止一個催淚彈,大家都好大聲,叫你停止!話畀你哋知我哋已經撤退、要求你唔好再放啦、走緊啦、疏散啦。點解你哋仲要不斷用催淚彈?你知道嗰度有幾多年輕人?有幾多老人家?幾多社工、基督徒?幾多人走出來?

我喺香港生存咗16年,唔能夠話好長,但至少呢16年都令我明白香港嘅核心價值喺邊度,係因為我哋有自由,係因為我哋以為我哋喺被施壓都可以有出嚟抵抗、出來集會嘅自由。但原來冇呀,16年我所學所知嘅所有,原來係假!

我哋一班同學全部都好好,唔顧自己先保護女仔,我真係好欣賞佢哋。但你哋到底知唔知道佢哋幾多歲?同我差唔多大咋,你知唔知道我有幾慚愧、自責?

可能你哋唔知道催淚彈係乜嘢感受,係好刺痛、好似全身都被火燒咁。我一邊走嘅時候,睇見喺更前嘅人,真係痛到只可以坐喺地。嗰時我喺商場裏面,仲有好多催淚彈嘅味道,示威者真係走唔到,只能大叫、問有冇水?有好多比我做得更多嘅人,仲喺四圍問示威者需唔需要生理鹽水洗眼、幫受傷嘅人洗。

我呢一輩都唔會忘記,最冇辦法忘記嘅唔係催淚彈有幾嗱眼、有幾辛苦、 有幾窒息。我最記得係點解一群上街,喺前線嘅人被整到昏迷,佢哋乜嘢都冇做!到底點樣?唔通喺香港言論自由都咁奢侈?唔通連申訴自己嘅不滿,都係犯罪?」

【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片!下一個爆料王就係你
https://bit.ly/2Guolu9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載