› 選擇地區
三藩市
紐約
洛杉磯
其他美國地區
香港 台灣 北美
 
2019年06月15日

【嚴紀雯婚宴】陀住7個月肚當姊妹 準新娘何超盈︰冇諗過做媽咪係咁辛苦!

建立時間 (HKT): 0615 19:04

早前過完大禮的準新娘何超盈,今日以姊妹身份出席好友嚴紀雯(Carmen)的婚宴。陀住B身形較臃腫的超盈,問她今日是否大肚婆「大晒」?她說︰「唔係,因為今日係Carmen嘅婚禮,佢叫我做乜都得。」她表示新娘子今日對她照顧很好,又特別為她訂造一條較寬鬆的姊妹裙,訂造時她陀B已7個月。

相關新聞:【仲有4個月就Big day】婚紗草圖仲未有 待嫁JM驚到喊

自陀B後,超盈坦言感到辛苦,她說︰「第一次陀B,都唔知會咁辛苦,長期都好攰,而家已經冇返工。」問她重了多少磅?她說︰「醫生表示正常,BB比一般的BB大了兩周,但BB正常的,媽咪都好緊張,成日都body check量住血壓,自己都學咗好多嘢,但冇諗過做媽咪係咁辛苦。」

談到她的預產期,原本是9月,現在有可能在8月底,她會留港生,且會接受開刀分娩。至於陪月等準備,她表示已準備好。她不少好友都爭住要做契爺契媽,她說︰「大契爺係陳柏熹,而契媽係Carmen,所以今日幾辛苦都要嚟。」

相關新聞:【好sweet呀!】Jeffrey令生命變得更美滿 嚴紀雯畀老公400分

新娘笑言想沾下她陀B的旺氣,超盈表示Carmen的婚禮搞得不錯,問到她自己的婚禮籌備如何?她表示婚禮將會在葡萄牙舉行,「香港就應該唔會啦,之前做咗過大禮儀式,有宴請家人。」談到過大禮那天很震撼,她笑言︰「嗰日着中國傳統服飾,好少人着,因為wedding planner話一世人一次。我煲劇時都見過,自己都想試吓,件衫係訂造,搵個藉口試吓,冇特別意思。」

至於她的嫁妝中,包括五億別墅,問她是否送給BB?她說︰「我乜嘢都會畀晒BB,間別墅會係我嘅新居,但而家唔可以裝修住,因為媽咪迷信,等生完BB先。」談到BB名字想好未,她表示Carmen都有份改,而家中沒有特別跟族譜。

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載