› 選擇地區
三藩市
紐約
洛杉磯
其他美國地區
香港 台灣 北美
 
2019年06月21日

【由細玩到大】王祖藍表弟36歲照參加《全民造星II》 唔靠關係殺入娛樂圈

攝影:沈健程
建立時間 (HKT): 0621 06:30

現年36歲的李俊華(孖八),身高167CM,現職機械舞導師,他是《全民造星II》88號參賽者,孖八坦言有點遺憾:「其實我想玩第一屆,但因為上年我代表香港去咗國內參與一個節目《這!就是街舞》,後來先知道香港有《全民造星》,作為一個表演者,乜都想玩,而且我覺得第一屆會馨香啲。」孖八表示曾替張崇基和張崇德的演唱會擔任排舞師,更是亞視舉辦的《亞洲星光大道4跳舞吧!》冠軍。至於他的必殺技,孖八表示要以跳舞在一眾參賽者之中突圍而出:「我跳舞出身,跳咗街舞19年,我喺文化中心跳,當時係ICQ年代,我練舞會喺街、鏡房,又會搵老師上堂,同埋搵啲人交流吓,無時無刻都跳緊,朋友都驚咗我。」

其實孖八是王祖藍的表弟,冼智偉和冼國林是他的舅父,但孖八並沒有靠關係殺入娛樂圈,他認為有家人及親戚朋友支持已足夠:「如果搵佢哋引薦我入行,未必係好事,我而家可以由低打起,同埋我想體驗吓,就算要佢哋幫,但我冇料到,咁可以靠佢哋到幾時呢!」他透露跟王祖藍由細玩到大:「以前一齊去游水,燒嘢食,年年暑假都一齊,等佢教我做功課。」他指間接被祖藍啟發,應該去做自己喜歡的事:「我覺得佢嘅演藝事業好成功,所以我會留意佢講嘢、演戲、唱歌,佢成功係有原因。」提到王祖藍捱了多個年頭才有今日的成就,而孖八今年已36歲,會否擔心自己起步太遲?他說:「我冇理呢啲嘢,因為鍾意表演嘅時候,係唔會諗自己表演到幾多歲,就算我喺呢個節目入唔到圍,我都會繼續跳舞、唱歌。」王祖藍有沒有給他一點貼士?孖八說:「冇喎,佢淨係叫我加油,打吓氣,佢又忙住湊女,又要照顧老婆。」

對於在官方留言中,有位女士叫孖八做「老公」,孖八直認已婚2年多,今年將會榮升做爸爸,他說:「我太太好支持我參加呢個比賽。」會否擔心自己的年紀比起其他參賽者較年長?「我唔怕喎,我冇理呢啲嘢,鍾意就去做,心境好重要。」

在第一屆而言,導師對所有參賽者的表現都好嚴謹,問到孖八在哪方面比較弱?他說:「因為我由零開始,喺唱歌方面係學習緊,演技方面就會睇多啲戲。」孖八表示曾在電影《狂舞派》演出時被導演讚:「真係好開心,導演(黃修平)同顏卓靈都有教我演戲,點樣去代入角色,唔係講出嚟咁簡單。」反而同樣有份演出《狂舞派》兼組合MIRROR隊長楊樂文 (Lokman)只叫他「加油」。


採訪:黃曉妍
攝錄:廖達燊


-----------------------------
你撐蘋果 我捐$1
支援反送中抗爭者

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載