› 選擇地區
三藩市
紐約
洛杉磯
其他美國地區
香港 台灣 北美
 
2019年06月21日

【《愛·回家》抽水】借「安心」鬧人夫出軌 呂慧儀:人係有自制能力㗎嘛

(影片截圖)
建立時間 (HKT): 0621 14:19

在昨晚播出的大台處境劇《愛·回家之開心速遞》中,翻炒黃心穎和許志安「安心偷食」事件,故事分為上、下兩集,今晚飾演的「細龍生」的鄭世豪為偷食事件鞠躬認錯,表示自己是「臭咗嘅男人」。

相關新聞:【壞咗變臭咗】細龍生車廂搭上女明星 《開心速遞》重現「安心偷食」

在上集中,「大龍生」羅樂林得悉事件後,安排「龔燁」張景淳和「熊若水」呂慧儀拆彈,不惜用高價在地下拍賣會替他買回影片,但最後卻被其死敵「大陳」以3,000萬投得,想不到故事一抽再抽,呂慧儀以過來人身份,道出另一半出軌的心聲!「龔燁」和「熊若水」在車上研究如何向大龍生交代事件,聽到龔燁直斥自己:「妳真係低能喎!」熊若水即爆seed狂鬧細龍生:「有老婆仲出去滾,根本係抵死,仲乜要搲爆頭幫佢拆彈,咪等佢自己核爆囉!」

接着龔燁說:「你有冇睇清楚條片,MAX係畀人勾引,唔係出去玩女人。」熊若水又喪鬧:「有乜嘢分別?咪又係不忠,而家係咁意攬吓錫吓就可以出軌,咁結婚嚟做乜嘢呀?人冇自制能力咩?人係有自制能力㗎嘛!」龔燁再出聲為男人護航:「人係有自制能力,但係都要衡量吓,嗰個車厘子年輕貎美又行性感,而且當晚佢仲要咁進取,MAX又受咗酒精影響,作為一個正常男人,當刻失手,係人之常情。我係作為第三者客觀去分析呢件事,唔代表個人操守立場!」

最後熊若水嬲爆地說:「人之常情?咁即係換轉車裡入面嗰個係你,你都會人之常情咁控制唔到自己,人之常情咁車厘子喇!咁即係客觀地設身處地,人之常情咁出軌偷食。」結果兩人不歡而散!事實上在今年3月,呂慧儀的老公黃文廸(Dickson)被爆偷食,其後兩人發共同聲明承認已經於18年離婚,所以呂慧儀今次道出人夫出軌心聲,難免令人有聯想!

之不過 《愛·回家》今次抽水抽出火,有不少網民留言:「呢個話題好大膽,有話題,但真的有點反感!」、「好心你哋班編劇俾番啲良心同人性喇,咁做好無品呀!」 甚至有人說:「冇題材呀?要令受害者再傷多次!因果報應,邊個諗出來叫拍,小心啲生仔冇xx呀!」

-----------------------------
7月4日起 《蘋果動新聞》只限升級壹會員閱覽
繼續撐蘋果!
https://hk.adai.ly/e/iIRREmuwDX

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載