› 選擇地區
三藩市
紐約
洛杉磯
其他美國地區
香港 台灣 北美
 
2019年06月22日

【爆相爆片】生日之旅出發喇! 鄭嘉穎戴標誌性情侶帽孭仔上機

建立時間 (HKT): 0622 17:45

明天是陳凱琳(Grace)的28歲生日,今年對她來說意義重大,皆因除了有老公鄭嘉穎外,還有一個4個月大的寶貝仔鄭承悅。嘉穎日前出席活動,表示為Grace安排旅行,與囝囝齊齊飛到外地慶祝。Grace昨日在活動上表示將於今日出發:「帶埋BB去大家會開心啲,放心啲,去幾日啫,都係陽光與海灘,第一次帶BB去,個list好多嘢帶,我個喼都要畀埋佢,都會帶埋姐姐(工人)一齊去。」

今朝早上8時,《蘋果》讀者Kit在機場禁區見到嘉穎一家準備出發去旅行,她透過「爆相爆片」直擊當時情況,Kit說:「嗰陣我喺禁區見到佢哋,1-4區,我唔係太清楚邊班機,不過見到嘉穎全程孭住阿仔,見佢湊仔嘅手法都好純熟,陳凱琳反而好悠閒。可能嗰陣太早,所以唔係好多人見到佢哋,所以佢哋都好輕鬆。」她還說:「佢哋個仔好乖,眼仔睩睩咁走圍望,全程都冇扭計。」事實上嘉穎亦多次表示很享受湊仔的感覺,與Grace分工照顧兒子,似乎他絕非得個講字!

從相片上所見,嘉穎湊B手法的確很熟練,慈父look感覺又很man,另一個亮點是嘉穎所戴的紅色帽,不過今次嘉穎戴了寫上「KC」字的紅色帽。提到這頂紅色帽,其實是嘉穎和Grace的情侶帽,拍拖不久已多次見到二人戴着高調晒恩愛,嘉穎大多數戴寫有「G」字的帽,正正是代表Grace, 而Grace帽中所寫的「KC」字,當然是代表嘉穎。之不過今次這個生日之旅,只有嘉穎一個人戴,反而Grace改戴另一頂白色Cap帽,不知道嘉穎會否計劃為囝囝設計一頂帽,成為家庭look呢?

-----------------------------
7月4日起 《蘋果動新聞》只限升級壹會員閱覽
繼續撐蘋果!
https://hk.adai.ly/e/iIRREmuwDX

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載