› 選擇地區
三藩市
紐約
洛杉磯
其他美國地區
香港 台灣 北美
 
2019年06月27日

【今日香港,明日台灣】《撐》最快明天見街 何韻詩:互相支持好重要

(資料圖片)
建立時間 (HKT): 0627 20:38

何韻詩與黃耀明敢於表態,台灣音樂人珍惜兩人聲音,今日有台灣傳媒報道指,兩人將與其他台灣音樂人合共約20個單位合唱新歌《撐》聲援香港,歌曲以廣東話及國語合唱,林夕有份填詞,更為歌曲命名。

相關新聞:【林夕有份填詞】何韻詩與台樂團合作新歌《撐》香港:聲援抗爭緊嘅人

何韻詩晚上接受《蘋果》專訪,透露《撐》由台灣樂隊董事長樂團發起,作曲及國語歌詞由台灣負責,之後再交由林夕填粵語詞:「夕爺填廣東話嘅一細段,隻歌主要都係以台灣人國語為主,原意係由台灣人向香港人就住呢個星期香港發生嘅事,有感而發地用音樂去聲援香港仍然喺街上抗爭緊嘅人。」阿詩指原先有意為香港最近的事寫歌,但太忙分身不暇,故很感激對方邀請合唱。

面對港、台處景,阿詩指兩地是命運共同體:「中國大陸嘅制肘越嚟越強烈,一國兩制或者真普選都冇實現到,我哋好希望用呢一個例子,話畀台灣人聽佢哋要守住自己地方。今日香港,明日台灣。明年佢哋有一個選舉,如果佢哋守唔住自己地方,佢哋命運將會同我哋好相似。會好易流失一啲寶貴體系或價值。」

《撐》的出現,阿詩覺得是兩地一個良好示範:「唔只係台灣人撐我哋,香港人都會去到撐番台灣人。」阿詩與台灣閃靈樂團的合唱歌《烏牛欄大護法》於今屆台灣金曲獎頒多項提名,她表示屆時會與閃靈一起出席頒獎禮。她指上年曾邀請對方出席香港的音樂節,但入境處不發工作證,兩個單位只能以網上合唱的方式表演,這次一起行紅毯,阿詩覺得意義重大:「我覺得係一個好重要嘅政治訊息,喺呢個咁艱鉅嘅時候,可以有一個跨地區、跨國嘅交流,互相支持真係好重要。」

講到《撐》只得兩位香港歌手參與,阿詩說他們都是受邀一方:「可能對於佢哋嚟講,呢啲歌就諗起我兩個。」她又透露《撐》最快明天會見街,但未有計劃在香港唱,希望以後有機會可以整人唱LIVE。

--------------------------------------------
7月4日起 《蘋果動新聞》只限升級壹會員閱覽
繼續撐蘋果!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載