› 選擇地區
三藩市
紐約
洛杉磯
其他美國地區
香港 台灣 北美
 
2019年07月07日

【被「試咪」】盧海鵬自爆曾嬲到拍枱罷拍 游學修急解畫

(攝影:陳俊強)
建立時間 (HKT): 0707 18:15

盧海鵬、游學修、盧巧音、陳穎恩、陳安立和盧慧敏今日在荃灣出席ViuTV劇集《仇老爺爺》記者會,自編自導自演的游學修,他指劇組曾到帛琉取景一星期,其間更有機會與鵬哥一起飛車。問他有無被鵬哥「試咪」?鵬哥聞言即說:「『試咪』就梗㗎啦!不過呢個孫得,有鬧有讚啦!」游學修表示是因為自己做得不足才被「試咪」。

鵬哥續說:「撈咗成世戲,而家先擔正,咁先複雜吖嘛!」游學修指鵬哥是不二人選:「近年先有廢老、廢青呢啲詞語,宣傳片已經喺網上播緊,都有好大爭議,有人支持後生,有人支持老人家,但其實最後兩爺孫唔通要殺咗大家咩?只係想借呢個風氣講吓。」問到有沒有壓力?鵬哥笑言擔正做主角變得有壓力,他說:「以前唔係擔正,我話之佢死吖。」

對於會否再拍續集,鵬哥坦言未知之數。是否怕辛苦?鵬哥表示:「辛苦就冇乜所謂,我捱慣,問題係自己做唔做得嚟,但我都應付得嚟嘅,係初初唔習慣,我試過罷拍,唔知佢哋想搞咩,瞓幾轉覺都未埋位,我咪拍枱走囉。」游學修即解釋說:「嗰日因為日景轉夜景,燈光又打得慢,佢恰咗一陣,以為自己恰咗好耐,一起身見仲set緊機,跟住就嬲,我即刻roll機,叫副導演o氹,我費事o氹,因為之後場戲講我哋鬧交。」

問鵬哥是否「扭計」?鵬哥說:「扭計唔使咁扭,咁樣拍法,20集呀,拍一個鏡頭就咁,你話拍到幾時,唔知條命有冇咁長,當時大家又唔了解,開工第一日咋,大家要溝通,你要慢,就要同我講聲,你唔好聲都唔聲,嗰陣時我仲食煙,你唔畀我食煙,我又唔拍㗎!不過我而家因為身體問題,戒咗半年有多。」

至於鵬哥「新抱」的盧巧音,她表示知道鵬哥曾嬲到拍枱走,她說:「小朋友,同我爸爸媽媽一樣,要o氹,不過有個長輩喺現場督促,好快知道邊度有錯處。」盧巧音直言拍完這套劇之後,更珍惜與家人的相處。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載