› 選擇地區
三藩市
紐約
洛杉磯
其他美國地區
香港 台灣 北美
 
2019年07月12日

【爆相爆片】王曼喜與女友懶理途人目光 手拖手蜜遊荃灣

建立時間 (HKT): 0712 06:00

王敏德和馬詩慧的大女王曼喜(Kayla)在14年宣佈與外籍女友人Lia拍拖,當時Kayla曾揚言「愛一個人,無分性別」,勇敢「出櫃」!雖然Kayla和Lia拍拖逾兩年,Lia亦早已融入王氏一家,不過因分隔兩地難以維繫,最終戀情告終!

貴為敢於認愛星二代的Kayla,其後又戀上從事設計工作的Anne,兩人早前更出席同性平權活動,Kayla表示已經見過雙方家長,談到有否結婚計劃,她說:「未諗住,我哋都唔急,不過都希望有一日喺香港可以結到婚,始終都係我屋企。」日前《蘋果》讀者招先生透過「爆相爆片」直擊她們拍拖的情況,招先生說:「嗰陣我喺荃灣南豐紗廠見到佢哋,嗰陣佢哋好sweet咁拖住手行,之後行咗去一棟工廠大廈,不過佢哋唔係上樓,而係走咗去更亭問價錢,傾咗一輪先上樓!」招先生仲話:「嗰陣都有唔少人眼望望,但係佢哋都冇理,好大方咁拖住行,望落去仲覺得佢哋好似老夫老妻嘅感覺!」

事實上Kayla今日能夠勇於認愛,當中曾經經歷過掙扎同迷惘,最後完全接納自己,甚至獲得家人的包容及支持,統統都得來不易,Kayla曾經接受本報訪問,她表示最初媽咪發現自己與女友視像,媽咪不單不太喜歡,母女間亦有曾有大拗撬:「始終媽咪希望佢哋小朋友結婚、有個老公,有得自己生小朋友,呢個係好typical dream。最後得到佢哋嘅支持,真係有一種放鬆嘅感覺,如果冇佢哋嘅接納同教導,絕對唔會有呢一刻嘅我。」

------------------------------
【每周送10萬】
升級壹會員獨家尊享,立即參加10萬火急大抽獎!
*推廣生意的競賽牌照號碼:52302-9
-------------------------------
錶迷必讀!
89頁腕時計電子書 66款嚴選年度新錶

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載