› 選擇地區
三藩市
紐約
洛杉磯
其他美國地區
香港 台灣 北美
 
2019年07月12日

【多才多藝】黃淑儀13年奪世界性烹飪美食大獎 《蘋果》前社長董橋提筆祝賀

攝影:仇志德
建立時間 (HKT): 0712 00:30

黃淑儀可說是港產「師奶廚神」,拍攝當日示範一個簡單易做的蘋果沙律,還偷用了囝囝徐肇平的秘製醬汁,將蘋果、沙律菜、雞肉混合而成,最後加上生核桃點綴。GiGi姐說﹕「阿仔都好鍾意煮嘢食,屋企一個雪櫃放佢嘅健康食品,而我個雪櫃全部放晒調品料,各有各材料。」

相關新聞:【鎮台三寶】年輕時是個萬人迷 黃淑儀:追我嘅有錢到你唔信

過去GiGi姐拍過無綫《吾湯吾水》、《住家廚神》、《絕世好麵》等飲食節目,但其實最威威,是她在2013年憑《濃情美味~為最愛的人下廚》奪得「世界美食家圖書大獎」(Gourmand World Cookbook Awards) 之「世界最佳食譜」Entertaining組別的第三名,她開心地說﹕「真係比攞最佳女主角仲開心,呢個係一個世界性烹飪美食大獎,冇得報名,個機構係派秘探睇勻該年度全世界烹飪書,憑菜式、設計等評分,瑞典第一,阿根廷第二,香港即係我嗰本攞第三。」《蘋果》前社長董橋更親自提筆祝賀。

今年更有突破,除在書展推出第14本烹飪書外,還會自家製一個網上節目《GiGi煮嘢》,她說﹕「以前出書,係覺得有實物送畀人係開心嘅。而家時代唔同,經理人不停鞭策我要做網上版,希望由最簡單基本做起,好似ViuTV咁,唔介意做以前出過鏡嘅菜式,最重要係幾分鐘就教到年輕人,令佢哋鍾意咗煮嘢食就係最好收穫。」

相關新聞:【爆拒續約內幕】黃淑儀細仔遭TVB雪藏:佢點會諗到呢個圈子咁黑暗

除了下廚,GiGi姐還有另一種嗜好,便是攝影,她說:「去到邊都鍾意拎住相機周圍影,最鍾意影人像,因為人嘅表情好難觸摸。」自2012年,幾乎每年都會參加溫哥華的一個藝術展覽,她說:「有次同一班藝術家食晏,佢哋見我一張喺蒙古影嘅相後,就話我有慧眼,邀請我拎作品展覽,當中仲有陶瓷、畫等唔同藝術品。」


採訪:嵐山
攝影:仇志德
攝錄:馮嘉銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載