› 選擇地區
三藩市
紐約
洛杉磯
其他美國地區
香港 台灣 北美
 
2019年07月12日

【鄭秀文頭場】Sammi台上不慎爆粗:大家唔怕畀後面人揼X

最後更新: 0712 23:02 / 建立時間 (HKT): 0712 20:57

鄭秀文(Sammi)今晚在紅館舉行「#FOLLOWMi 世界巡迴演唱會」頭場,Sammi在最近兩個月更經歷了一段感情波折,老公許志安被發現與黃心穎在車廂攬啜,安仔即時道歉、停工,今日安仔亦有到場力撐Sammi。雖然早前Sammi呼籲大家唔好在演唱會中用螢光棒,但現場仍有不少歌迷用螢光棒。

相關新聞:【唔嬲安仔】Sammi粉絲提早到場打氣 Mi鍾意乜都支持


2300:到encore部份,Sammi身穿白色運動背心和dancer出來,她問觀眾有沒有歌想聽,但沒有觀眾叫出嚟,之後她就說不唱歌,只跳舞,然後脫下白色背心變成紅色運動裝,跳唱《螢光粉紅》,唱完後便在11點10分完騷。

2230:Sammi唱《Creo en Mi》中段時,由於舞台效果,Sammi頭上有超大量紅色紙碎倒落頭,唱《信者得愛》時,全場high爆起身,反應熱烈。之後Sammi換上黑色紗裙,中間有巨型閃石十字架,獻唱舊歌Medley:《理想對象》、《不拖不欠》、《如何掉眼淚》、《如果你有事》及《親密關係》。唱完Medley,Sammi談到自己條眉,是第一個演唱會《X空間》的一個造型:「嗰條咩Ki眉啦,今年呢個我會叫佢做復刻版。過多3年,我都半百,所以快歌慢歌間住唱,可以唔使跳咁多舞。喺我膝頭哥傷咗之下,我都有咁嘅表現,我自己都幾滿意呀。」全場掌聲歡呼。跟住Sammi談到吊威也環節排過很多次,《傷》部份28位dancer又花費過百萬,整個團體很用心排練。尾聲嘅時間,她說:「嚟到呢個階段,我人生有好多沉澱、好多歷練、好多領悟,所以今次揀咗首慢歌做主題曲。我哋每個人都有自己嘅開心、有眼淚、有痛,但係唔緊要,因為《我們都是這樣長大的》。」一唱頭幾句已經感觸到喊。

相關新聞:【鄭秀文頭場】Sammi向Fans揮手鬆膊 開心大啖食燒豬

2215:Sammi唱到《衝過去》時,僅用兩條威吔吊到紅館半空翻兩個後空翻,又在半空模仿飛翔動作。

2200:Sammi以貼身黃色圖案造型,連續唱出《男仕今天你很好》、《叮噹》,再邀請樂隊鐵樹蘭合唱《Power Of LOVE》及《煞科》。唱《煞科》中段時,Sammi chok住表演打鼓,最後更鼓棍四飛。

2145:Sammi以超高衩牛仔褲露bra裝,站在吊於半空的傘形裝置唱《跳傘》,唱畢叫觀眾大嗌:「你哋嗌啦,我堅決唔嗌,我要養聲。」隨即Sammi話要唱《不要驚動愛情》,又自嘲:「一驚動真係好大鑊㗎,哈。」唱完後,Sammi說:「大家好,終於嚟到我人生第十個演唱會,好開心冇諗過自己有機會開十次演唱會,多謝大家畀機會我,一次一次再一次。我對上一個演唱會,已經係兩年半三年前,嗰個失聲演唱會,頭先諗起好多感人嘅一幕幕,你哋喺台下有邊個幫我唱過歌呀?」接著Sammi竟然不慎爆粗:「真係少咗螢光棒喎,大家唔怕畀後面人揼實,揼X。」忽然爆粗的Sammi,尷尬儍笑踎喺地下話:「唔係呀,我係想講揼實呀,你哋幫我嘟咗佢呀。」欣宜同Sammi合唱《默契》,Sammi以「今日真正嘅女神」來形容欣宜,又和欣宜說:「你唔好話細細個聽我唱歌呀,不過可能你未出世!」

2115:Sammi開騷近20分鐘,已換4個造型相當落力。唱出《十誡》時忘形跳舞,甚至唱到跪地。Sammi又藏身巨型閃閃「石柱」中蒙着眼,唱出《傷》,其後她從「石柱」步出,向觀眾說:「如果有事發生,令到你遍體鱗傷,但係痛過之後,你哋嘅愛情將會變成世界之最。」全場歡呼,然後脫下蒙眼黑紗,露出眼淚妝並唱《世界之最》。

2100:Sammi換上裸色貼身舞衣唱《裸體早餐》,唱到後段,Sammi騎於男dancers膊頭上唱,唱畢由3位猛男造成的人肉樓梯走下來。接着又穿上紅色皮boot及紅色長手套唱《不要》及《顏色...氣味》,其間不時自摸、擘髀,又與男dancers借位跳辣身舞,動作撩人。

2054:第二套shocking pink魚尾貼身連身裙,繼續唱《終身美麗》,但由於魚尾太巨型,Sammi掛住拉裙甩嘴,但無礙演出,全場反應超high。

2048 :Sammi以白色巨型婚紗造型,配超高鞋18cm Platform shoes唱《終身美麗》,Sammi明顯步步為營,邊行邊望地下,行至台中機關終於可以企定定。Sammi出場說:「今晚FollowMi第一場所有觀眾你哋好,係咪等咗好耐啦?要嗌好嗌啦,因為今晚嘅表演會一浪接一浪。你哋估吓我下套衫係咩顏色?」然後從台中降落台底。

-----------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9
-------------------------------
錶迷必讀!
89頁腕時計電子書 66款嚴選年度新錶
https://hk.adai.ly/e/v7jEA0MC1X

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載