› 選擇地區
三藩市
紐約
洛杉磯
其他美國地區
香港 台灣 北美
 
2019年07月16日

【雙陳戀】陳煒被指做第三者 新歡醫生陳國強澄清已離婚

建立時間 (HKT): 0716 14:29

45歲陳煒(煒哥)於2012年與前夫顏志行離婚後,dry足七年終於有着落,在本月初被《蘋果》讀者發現煒哥在峇里一個醫學研討會上,跟六呎高醫學美容醫生陳國強酒店浪漫手牽手,事後煒哥回應傳媒時承認戀情剛開始,表現甜蜜。

不過,煒哥公開戀情後,卻惹來是非,有人爆料指煒哥新歡陳國強原來還未離婚,且與前妻有兩女兒,換言之煒哥涉嫌當上第三者。

陳國強醫生今日接受《蘋果》電話訪問,有關他還未離婚及有兩個女,陳醫生說:「離咗啦,無需再斟酌呢個問題,我要保護我前妻,亦都要保護兩個小朋友,喺呢個層面唔能夠再講太多喇,唔係唔想去澄清,而係一touch到佢哋(前妻和女兒),我又唔想去到佢哋個層面再落。我前妻都要保護佢,我有講過話保護陳煒,但我亦要保護前妻,我要顧及佢哋感受、私隱。」

問與前妻是分居階段還是已辦妥離婚手續?陳醫生說:「而家已經離咗婚。」他指與前妻今年已辦妥離婚手續,而他與陳煒開始時,亦已跟前妻厘清關係:「陳煒係聰明㗎嘛,佢唔會亂咁嚟啦。」對於有讀者料指陳煒介入他與前妻婚姻,致令二人離婚,陳醫生說:「呢個一定唔會啦,介入婚姻就要前妻去講,佢都冇呢啲嘢,就好難去誣衊啦。」

有人報料指他與前妻在同一地方返工,陳醫生否認:「唔係唔係,誤會嚟,以前太太係唔需要做嘢,所以同一地方返工就唔啱喇。」兩女兒現跟前妻生活,自己不時跟女兒見面,變相跟前妻仍有接觸,可擔心煒哥呷醋?陳醫生說:「佢都明白嘅,阿女每個禮拜我都會見㗎,應該明白嘅。」二人拍拖多久?陳醫生拒絕透露:「我唔講時間性呢樣嘢喇,我一講,有炒作㗎嘛,人哋好斟酌個時間,邊個先邊個後,香港人係好喜歡去尋根㗎嘛,我唔能夠講太多。」

問煒哥吸引他的地方,是因為樣靚還是氣質,令自己如此喜歡煒哥?陳醫生顯得有點尷尬說:「了解中啦,我又好難答你頭先所講嘅嘢,你成個問題話各方面好多唔同層面,跟住你講咗句『咁鍾意佢』,我又唔答得你呢句,我可以講我哋了解中,唔能夠再講太多㗎喇,我一講太多就去到好多層面㗎喇,我講咗一個反應,變咗有啲報料嘅人可能又唔鍾意。」陳醫生直指報料人另有居心。

那麼會否視煒哥為結婚對象?陳醫生說:「每個人拍拖都有個開始,可能都憧憬住一啲嘢,我唔排除呢樣嘢,每個人開始一段感情、一個對象,佢都可以喺內心某個時段有咁嘅諗法。」與煒哥拍拖後,會變成公眾人物成傳媒追訪焦點,陳醫生表示有心理準備:「我知道呀,我明白呀。所以而家我咪同你傾緊囉。」至於煒哥本人對於「第三者」傳聞則回應說:「陳醫生講咗,我都冇嘢補充。」

採訪:魯吉、嵐山

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9
-------------------------------
錶迷必讀!
89頁腕時計電子書 66款嚴選年度新錶
https://hk.adai.ly/e/v7jEA0MC1X

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載