› 選擇地區
三藩市
紐約
洛杉磯
其他美國地區
香港 台灣 北美
 
2019年08月13日

資深演員梁舜燕離世 享年90歲

最後更新: 0813 17:18 / 建立時間 (HKT): 0813 14:52

資深演員梁舜燕(Lily姐)今日病逝,享年90歲。

相關新聞:【桃李滿門】梁舜燕曾教汪明荃儀態 阿姐盛讚是真女人典範

日前梁舜燕傳出不幸患上癌症,留醫香港佛教醫院,兒子、契仔李克勤等都到醫院探病,今日其家屬出訃文,梁舜燕於8月13日下午在親屬陪同下安詳離世,並答謝醫護人員的悉心照顧,亦感激各界多年來對Lily姐的愛戴,締造其在藝壇六十餘載的不朽傳奇。喪禮儀式待親屬安排後再作交代。

梁舜燕的孫兒阮浩棕今日回覆《蘋果》:「多謝關心,剛在大概中午時分離開咗大家,後事儀式會等我地屋企人安排好,會再交待。」問到離世原因?他說:「嫲嫲走嘅主因係機能衰竭。」阮浩棕讚嫲嫲一直將事業、拍劇當做興趣,真正做到敬業樂業的典範。

相關新聞:【從演62年】梁舜燕「上等人」最深入民心 曾拍西片做尚格雲頓師母

阮浩棕續道:「我哋一班兒孫都陪伴咗佢走最後嘅路,佢想交帶嘅都交帶晒,佢喺醫院嘅時候最大嘅希望係康復繼續拍劇,奈何佢嘅身體要佢休息,想多謝香港嘅觀眾對佢老人家嘅愛戴,成就佢精彩嘅傳奇人生,再次多謝《蘋果》嘅關心,以及對我哋屋企嘅體諒,後事儀式安排好會再作交代。」問嫲嫲可有心願未了時,阮浩棕說:「嫲嫲都話過佢係無憾㗎喇,惟獨是佢喺醫院時,係好希望康復,跟住繼續出嚟拍戲。」梁舜燕兒子阮惠源就以短訊回覆:「謝謝關心。」由於梁舜燕是虔誠天主教徒,喪禮會採用天主教儀式。

梁舜燕1970年6月加入無綫,參與拍攝多部劇集,無綫表示對梁舜燕離世深表惋惜,助理總經理(藝員管理及發展)樂易玲及助理總經理(戲劇製作)曾勵珍分別聯絡其家人致以深切慰問,無綫並會提供適切協助。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載