› 選擇地區
三藩市
紐約
洛杉磯
其他美國地區
香港 台灣 北美
 
2019年08月13日

【別了上等人】汪明荃難忘梁舜燕敬業樂業:佢點辛苦都會注重儀態

最後更新: 0813 21:47 / 建立時間 (HKT): 0813 16:30

【新增內容】

相關新聞:【桃李滿門】梁舜燕曾教汪明荃儀態 阿姐盛讚是真女人典範

「上等人」梁舜燕(Lily姐)今日病逝,享年90歲。Lily姐60年代當上麗的訓練班導師,教第一屆訓練班學員汪明荃(阿姐)儀態。為Lily姐學生的阿姐,曾大讚Lily姐對家人細心照顧,從內到外都做得很好,是「真女人」典範。

阿姐今日接獲Lily姐死訊時深表難過,她說:「我認識Lily姐時,佢喺麗的報新聞,係『麗的三花』之一,當年佢着旗袍報新聞,好靚好端莊,我讀麗的訓練班時,佢教我化妝同儀態,佢談吐舉止成個大家閨秀,我同佢細仔(阮惠熊)最熟,可惜佢細仔多年前走咗,我同Lily姐個女蔓莉都熟,細個一齊玩,好開心,後來Lily姐過咗嚟TVB拍劇,我哋唔係成日撞到,但大家感覺都好close。我好佩服Lily姐對呢行嘅堅持,佢好熱愛話劇,好敬業樂業,同埋最記得Lily姐真係好注重儀態,我哋有時開工攰會就咁喺度瞓,但Lily姐唔會,佢點辛苦都會注重儀態,唔會隨便瞓喺度同呷辛苦,好值得後輩學習。」

相關新聞:【從演62年】梁舜燕「上等人」最深入民心 曾拍西片做尚格雲頓師母

阿姐又說:「我想講,噚日夏萍姐走咗,一連兩日有兩位前輩走咗,真係好難過,夏萍姐我同佢合作過幾次劇集,佢係一位好專業嘅前輩,真係好可惜。」

另外,曾華倩今日在微博貼圖悼念Lily姐及夏萍,她說:「香港娛樂圈痛失兩位我非常尊敬的資深前輩。夏萍姐和Lily姐梁舜燕女士!希望她們一路走好!永遠懷念妳們!華倩敬上」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載