› 選擇地區
三藩市
紐約
洛杉磯
其他美國地區
香港 台灣 北美
 
2019年08月14日

【農曆七月睇鬼片】陳家樂靠講鬼故追女仔 又想同曹佑寧拍愛情片

建立時間 (HKT): 0814 00:30

陳家樂、台灣型男曹佑寧與惠英紅等合演驚慄電影《綁靈》,將於下月5日上映,早前兩位男主角家樂與佑寧一同接受訪問,《綁》片在泰國取景拍攝,故事發生於一所校園內,家樂有多次拍攝鬼戲的經驗,已顯得冇有怕,他說:「以前我都好驚睇鬼片㗎,但拍得多,睇嘅時候係好恐怖,但其實拍嘅時候現場好多人睇住扮鬼嗰個人,其實嗰個人好辛苦,但係喺現場反而會覺得好笑,你諗吓啲『鬼』成日喺身邊做人嘅嘢,一齊食飯、傾偈,係好好笑。」而佑寧則是首次拍鬼片,他說:「我經常都想知道鬼片是怎樣拍呢?因為我很喜歡看鬼片,這次能夠參與其實蠻開心的,想知道拍攝時的氛圍是恐怖還是怎樣的呢?其實是不會的,拍攝現場真的蠻好笑,片場中見到很多『鬼』。」

家樂又謂今次演一個大學生,是一個爛口愛媾女的反叛男生,他又爆這個角色設定是源自導演陳鵬振,他笑說:「呢個導演講嘢真係好鬼死衰格,我成日攞佢講嘢嘅語句、節奏嚟模仿佢,喺戲入面講嘢都粗粗地㗎。而戲入面最難忘嘅係其中有一場,有個好細個嘅泰國女仔,要由我隻腳沿住我下身一路爬上嚟,仲要同我面貼面好近距離,我見到佢好驚、好尷尬。」

港、台兩大靚仔合作,拍攝時也擦出不少火花,家樂說:「我哋做戲,冇鬥戲㗎,我哋之間都有演繹上嘅難題,因為佢唔識廣東話,所以溝通上有少少困難,因為有好多群戲,所以一定要有默契。其實我哋5個演員完全唔識,但一齊喺泰國差不多有成個月,都有培養感情,拍完戲一齊約食飯行街,都幾開心,真係好似中學去camp咁。」佑寧則謂跟紅姐合作令他很緊張,他說:「紅姐的氣場很大,對戲的過程中蠻害怕和緊張,紅姐人非常好,不會跟你有距離感,她有空便會過來聊兩句。」

兩人又大談曾經遇過的恐怖經歷,問到他們會否用講鬼故招數來追女仔?家樂說:「而家都會㗎!純粹鍾意玩吓,整蠱吓人,不過而家一般女仔會主動講鬼故,邊有用㗎!」而佑寧則笑言會帶女生看這部鬼電影,他說:「其實在電影院內看鬼片蠻刺激的,旁邊的人也會受影響,旁邊的人害怕你也會跟着害怕。」二人更揚言希望可以再次合作,佑寧提議跟家樂拍打鬥片,家樂卻有新主意,他說:「可以拍愛情片。」佑寧笑指兩男拍愛情片是不錯的提議,又大讚家樂和藹可親,二人甚麼都會傾,家樂笑說:「你不要誤會呀!哈哈……不過都可以㗎,佢好可愛,平時唔係好講嘢,但一講嘢就好得意。」

採訪:羅慧敏
攝影:沈健程
攝錄:馮嘉銘
場地提供:木的地酒店

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載