› 選擇地區
三藩市
紐約
洛杉磯
其他美國地區
香港 台灣 北美
 
2019年08月14日

【同醫生傾下】朱紫嬈爸爸心臟有問題 遲遲不肯通波仔

攝影:黃曉妍
建立時間 (HKT): 0814 16:06

朱紫嬈今日在新城亮相一個醫療節目,與醫生探討心臟病,她指爸爸心臟有問題,應該要做通波仔手術,可惜爸爸遲遲不肯做:「我本身唔熟悉,所以想了解點解唔肯做手術,究竟係因為風險?定係加咗個支架入面會有後遺症呢?所以令到爸爸唔想做。」

談到工作,朱紫嬈表示現時正在做兩首新歌,由於明年是入行第10年,所以會籌備開一個10周年騷:「入咗紙申請,喺旺角麥花臣場館,所以我要準備好多嘢,跟住公司話我上年出咗隻翻唱陳百強嘅HIFI碟,賣得都ok,所以今年嘅HIFI展,幫我呢隻碟出咗我人生第一張嘅黑膠,我開心到死咗呀,明年嘅HIFI展會再出隻HIFI碟,所以突然之間好多嘢,又出自己歌、又要開騷、又要出HIFI碟,忙到一頭煙。」

張達倫今天也到新城接受訪問,見他比之前大隻了不少,他表示曾經有一段時間認為肥會好看,及後接拍《機動部隊2019》時,由於經常要操 ,所以立即減磅,他說:「減咗8至10磅,唔知係咪年紀大,個人乾完一輪就肥唔番,係咁食都肥唔番。近排就肥番少少,之後要開劇,講我隻眼有少少事,想帶出領跑員呢件事,我好驚一跑又瘦番,食幾多都肥唔番。」

太太會否煲靚湯?張達倫笑得有點尷尬:「太太識得煲湯我就開心喇,唯有叫阿媽煲,太太都會睇吓食譜試吓,因為煮畀囝囝食,味道要好淡,我對食冇乜要求,所以我冇乜所謂,最重要係健康。」有否想過效法陳山聰食素?張達倫說:「我真係唔係好得,因為我已經唔食牛,我覺得要食返少少肉先至完整啲,因為有啲人食素會改變體內一啲嘢,之前睇過一段報道,話有個女仔因爲食素而停咗經,佢要食番肉,之後就冇事,其實最緊要係平衡,唔好太極端。」張達倫指每次回家探望媽媽,媽媽就會煮很多他喜歡吃的餸菜,他說:「佢整肉餅,阿媽話買咗200幾蚊豬肉,好似最近又貴番,我諗我都要加家用。」

採訪、攝影:黃曉妍

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載