› 選擇地區
三藩市
紐約
洛杉磯
其他美國地區
香港 台灣 北美
 
2019年08月18日

【爆相爆片】G.E.M.手機相片全失 男友勞氣譴責維修店員幫唔到手

建立時間 (HKT): 0818 06:00

鄧紫棋(G.E.M.)前日28歲生日,原來她與造型師男友Mark Ngai去了食三星米芝蓮日本菜慶祝,她在一個充滿心心造型的蛋糕許願。她在社交平台在分享慶祝點滴,提到生日前夕遇上壞手機,她以前好在意友人在生日送上短訊,而今個生日在壞手機的日子下,與家人專注在家中玩啤牌吃飯玩樂互動,醒覺真實而溫暖,而她更提到生日正日下午去整手機,但「被告知」若然手機整好,也會失去手機的內容。

G.E.M.非常緊張手機裡的珍貴回憶片段,所以前日,即是她28歲正日生日拎電話去整,而《蘋果》讀者何先生就透過「爆相爆片」湊巧直擊她有男友Mark陪住去「挽救」回憶整電話,二人在九龍塘又一城的Apple店現身,G.E.M.與男友都齊齊穿上白tee及戴上cap帽,而G.E.M.更戴上口罩,只露出一對眼,甚難被人察覺。何先生提供的片段中,就見到兩位店員分別上前與G.E.M.及Mark講解,而Mark玩着電話與G.E.M.對談,店員更拎出手提電腦出來,為G.E.M.整電話,而G.E.M.細心聆聽對方。

何先生就交待返當日是下午5點見到二人,他表示:「初時唔為意佢係G.E.M.,不過聽到佢同店員講嘢,你知佢把聲都係好獨特,先知嗰個女仔係佢,佢哋係拎部電話整相片backup問題,全程見佢個樣係輕鬆,反而佢男友就有點勞氣,聽到佢同店員講咗句『你哋點可以咁樣做』,見佢哋搞咗一輪,都留咗成一個鐘,最後都係整唔到部電話,但G.E.M.就似乎整唔到部電話都冇乜所謂,亦冇影響心情,佢臨走時仲同店員講bye bye。」

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載