› 選擇地區
三藩市
紐約
洛杉磯
其他美國地區
香港 台灣 北美
 
2019年08月19日

【夏萍設靈】張國強陪度過最後日子︰佢安詳咁走係我好大安慰

建立時間 (HKT): 0819 18:24

資深演員夏萍(Apple姐)本月5日離世,今日在紅磡萬國殯儀館設靈。Apple姐生前跟張國強(KK)合作無數,她彌留當日,KK一直在旁。

相關新聞:【夏萍設靈】林家棟傷心數度爆喊 難忘與契媽片場互相爆粗「問候」

張國強(KK)今日到靈堂致祭時說:「佢入院我一直陪住佢度過嗰10日,佢好安詳咁走都係我好大安慰。」KK表示Apple姐離開當日,他與Apple姐家人、契仔林家棟及數位圈中人都有伴陪身旁,KK說:「其實大家都不停探佢,佢走咗亦都係一個好大安慰。」問有甚麼難忘事時,KK說:「家棟當其時喺內地,大家不停鼓勵佢要等到家棟返嚟,到家棟返嚟佢都支持住,支持咗一日,第日就走喇,佢見到家棟之後,好似釋懷咗,第二日就走喇,好有佢嗰種堅持。夏萍其實一路都唔舒服,有老人病都好正常,喺護老院跌親,都即刻送佢去醫院,因為創傷咗,情況唔係太好。」

問Apple姐是否前後兩次跌倒?KK說:「係呀,最初嗰次有輕微中風,第二次就嚴重啲,年紀大喇,會引起併發症,嗰10日佢都堅持住自己生命。」說到KK跟Apple姐之間回憶,KK表示有很多:「由佢做我媽媽,大家都有講有笑,老人家出入唔方便,收工時我都車佢返去。佢有好多有趣嘅地方,又幽默,有個人風格,為人好直言,好值得我向佢學習,有時亦令到我哋啼笑皆非。頭先我同家棟入去睇佢遺容,個裝比平時靚,今日更加安詳,我同家棟入去都有同佢傾偈,佢比平時係靚好多嘅。」

相關新聞:【夏萍設靈】林家棟喪服現身靈堂打點 黎明秋生送花圈致祭

生前跟Apple姐友好的阮兆輝、謝賢、梁健平、唐佳與雪妮等,今日也有到靈堂鞠躬,謝賢到達靈堂半小時左右便離開,問到以往拍電影有沒有趣事,謝賢指:「冇喎,好耐冇拍戲喇。」林家棟指夏萍為人很率直,謝賢便指:「佢個人幾好玩吖。」

採訪︰黃曉妍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載