› 選擇地區
三藩市
紐約
洛杉磯
其他美國地區
香港 台灣 北美
 
2019年08月22日

【練體能】馬浚偉食素年幾曾營養不良 中西醫命令要食肉

建立時間 (HKT): 0822 17:34

馬浚偉今日在大角咀為10月舉行的音樂會宣傳,首次在香港舉行音樂會的他說:「今次會開七場,每場有600個座位,中間仲有加場嘅空間。」10月26日是他的生日,馬仔透露已邀請女神周慧敏擔任當晚表演嘉賓:「我想同佢合唱《最愛》或者《美少女戰士》。除咗周慧敏,我仲邀請咗陳志雲、泳兒、JW同李明蔚等等。」

抗癌歌手李明蔚今日亦有到場支持,她感謝馬仔支持:「我好堅強,最緊要唔好放棄,我會越嚟越好。」馬仔表示音樂會期間,有檔位賣李明蔚的唱片及她的手作乾花,為對方的醫療及生活開支籌款。

馬仔受訪時,透露明日開始會重新跑步訓練體能,他自爆早前曾營養不良:「我食素食咗年幾,但因為我對豆類敏感,所以食得好唔平均,有幾次仲暈一暈。我去睇醫生,醫生話我血壓得80/50,心跳得返40幾,我以為自己咁上下,而家中西醫都命令我要食肉。」記者笑指他的生活太素,他即鬼馬笑謂:「我去邊都好多好嘢食,不過我生活太有規律、太檢點。」

馬仔又表示明年將完成EMBA課程,計劃再報讀中醫班:「因為我媽媽同妹妹以前都有病,自己對食療有研究,都想將來幫到人。我真係好想退休就開有機農場,到時可能種埋藥草,我真係好想讀中醫。」

至於女神周慧敏將擔任表演嘉賓,馬仔表示對方是學生年代已喜歡的歌手:「佢知道我開演唱會,就話嚟做我嘉賓,我自己安排咗佢喺我生日嗰日嚟。其他好多喺電視台合作嘅朋友,好似黎姿、張玉珊、馬國明都應該會睇,喺香港嘅,我都會請佢哋黎。」

採訪:盧妹
攝影:陳慧安

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載