› 選擇地區
三藩市
紐約
洛杉磯
其他美國地區
香港 台灣 北美
 
2019年08月23日

【有緣兄弟】劉家輝64歲生日好精靈 與陳榮峻同年同月同日生

建立時間 (HKT): 0823 13:24

生日快樂!昨日是劉家輝和陳榮峻的64歲生日,二人好有緣份,原來是同年同月同日出世,昨日更約埋歐陽震華 (Bobby)、樊亦敏和陳榮峻太太吳香倫一齊賀壽。

劉家輝在2011年因中風跌倒撞傷頭部,導致行動不便,無奈要暫別演藝生涯,幸得圈中好友樊亦敏幫忙照顧,現在已日漸康復。陳榮峻昨日Facebook上載生日相,見劉家輝需要坐在椅子上,但氣色好好,見枱上有兩個蛋糕,其中一個是「東南西北中」的麻雀蛋糕。樊亦敏在IG上載一條短片,大家一齊唱生日歌,之後樊亦敏問劉師傅:「今日開唔開心呀。」他即鬼馬說:「Good/好。」再問:「靚唔靚仔?」雖然劉師傅未能清楚地用言語表達,但卻表情多多,「唉」一聲後,一時皺眉頭、一時微笑,十分搞笑。

陳榮峻留言:「同日生日的家輝哥,生日快樂!身體健康!」而太太吳香倫亦有轉載,並送上祝福:「恭祝家輝哥&榮峻哥 Happy Birthday.今日我們好開心,與兩位壽星仔慶祝生辰。恭祝輝哥、峻哥 身體健康!萬事順心如意!開開心心。」陳榮峻今日接受傳媒訪問說:「我同家輝哥同日生日,好耐冇見,耐到唔記得幾耐,家輝哥精神好好。」問到生日願望,他說:「希望香港快啲平靜,我同香倫及家人身體健康!」Bobby則說:「同佢(家輝)合作過好多次喇,《施公奇案》、《洗冤錄》呀,所以探吓佢,同佢慶祝生日。」

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載