連日來香港多區出現遊行，今日荃葵青區，王宗堯和阮民安（Tommy）分別到場參與。雖然現場下着大雨，警方亦狂射催淚彈以及出動水炮車，亦沒動搖二人離開。
王宗堯覺得此舉不會令巿民卻步：「大家都唔會辛苦，呢個唔係攰，係堅持，風雨中同路。」對於地鐵近日不時封站，他表示無奈：「好似麗晶花園、港鐵、匯豐銀行、國泰、民航局、相繼配合措施打壓，其實係幾悲哀，港鐵申請咗臨時禁制令都唔知係咪假，幾時見High Court變Hight Court。而港鐵更加係香港警察最佳佈防輸送帶，係助攻，之前港鐵搵我幾次做嘢我都推係啱嘅，好多嘢都係同巿民對立，有乜方法可以做到，可能大家喺社區做義載，一齊車返工。噚日喺九龍灣，大家都離開仲放催淚彈，根本局人受。」
而特首林鄭月娥在面書勸諫，王宗堯不覺對方真正想解決問題：「好似有藝人前輩之前所講，我哋睇記者會宣佈下次記者會，講下一個記者會講乜。」而無綫有藝人因表態而被雪藏，他指好多藝人不發聲，只叫香港人加油或帶遮也被人含沙射影：「而家係咪只有一個聲音，只能做護旗？點解要講Shame On Hong Kong？點解要任人擺佈。」
至於Tommy仔則穿上黑雨褸參與遊行，他指今日雖然下雨，但會堅持風雨不改走出來，而且更買了輕便雨衣送給示威者：「就算今日仍然行到腳皺皮，頭都可以唔使濕，所以我帶咗啲雨褸來。」沿途有人叫他加油、有人讚他比余文樂更好，又跟他合照，有巿民合照後跟他說：「對唔住，我曾經笑過你。」
提到特首想與大家對話，他反問：「佢係咪思覺失調？佢喺社交平台都會睇到五大訴求，講咗咁耐冇回應過，佢答嘅嘢滿足唔到我哋，而家五大訴求，仲有好多白色恐怖，又有人受傷，佢31號去維園面對大家同各位講。」雖然入行以來形象被取笑，但現在得來大眾支持，他表示聽到大家叫自己加油也會感動，希望香港人團結，不要因為金錢利益而妥協。
採訪：王連連
攝影：林賓尼
------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
