› 選擇地區
三藩市
紐約
洛杉磯
其他美國地區
香港 台灣 北美
 
2019年08月26日

【搵贊助最頭痕】馬浚偉社會性節目得獎 添食必探討民生

建立時間 (HKT): 0826 16:05

馬浚偉今日在尖沙嘴,為其身兼監製及主持、香港開電視節目《同理‧繼續走》舉行祝捷會,他表示這個節目在「美國國際電影及電視節2018」的紀錄片部份連奪傑出創意獎(Certificate for Creative Excellence)以及銀幕銀獎(Second Place-Silver Screen Award),馬仔坦言由於節目由自己的構思、監製和主持,所以感到很開心,他說:「係一個國際性奬項,我自己第一個社會性嘅節目,可以攞到呢兩個奬,我同香港開電視都好開心,好大鼓勵。」

問到會否開第2輯?馬仔表示:「我個人係絕對願意,因為關於社會基層嘅問題,點只呢7個,弱勢社群仲有好多問題未浮現,我呢個節目主要係針對呢兩樣嘢,就係基層同埋弱勢社群。」馬仔直言最重要是找贊助商,始終製作費是一個資金。

馬仔一向多大計,會否有時間去做?馬仔說:「有,全部都做緊,我有一個非牟利機構正式營運,剛剛8月份開始,嚟緊有幾個大型項目要做,我唔想淨係做演藝娛樂嘅嘢,我想做番多少少對社會有益,令到香港人開心啲。」

馬仔指如再開第二輯,定必是社會性話題:「民生係社會最重要嘅嘢,我諗冇可能唔提,呢段時間社會氣氛咁緊張,我冇足夠智慧去分析,因為好複雜,我作為一個喺香港長大嘅人,我睇到好多香港嘅朋友唔開心,情緒受到影響,民生係一個好大嘅根源,如果大家生活得係好,畀多啲出路,畀多啲希望,我諗好多嘢都可以好容易解決,所以如果我要做第2輯,我希望會更深入討究,市民喺生活上遇到嘅困難。」

採訪:黃曉妍
攝影:林賓尼

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載