› 選擇地區
三藩市
紐約
洛杉磯
其他美國地區
香港 台灣 北美
 
2019年09月11日

【移情別戀?】陳炳銓捨女友李佳芯 選36E莊端兒做女神

攝影︰林賓尼(右圖)
建立時間 (HKT): 0911 06:00

陳炳銓自言在普羅大眾眼中是悶人一名,online打機離不開足球或者籃球遊戲。專注是他的強項,他可以在南極繞圈跑5個圈,每圈20公里,就完成「挑戰南極100K」。他是全球第47人完成壯舉,但跑前要簽生死狀。白茫茫一片,問陳炳銓「悶唔悶?」,「悶㗎」他答。外表雖然傻更更,但當打時100公尺,可以12秒完成。亦不要小看他其貌不揚,女友是早年宅男女神,近年榮升視后的李佳芯。對於這段情陳炳銓沒有特別避諱,他亦非常坦白︰「冇錯,未試過有訪問會唔提起李小姐。」

二人識於微時,「微」的程度是李佳芯仍叫李嘉馨,他說︰「識佢時唔知佢係邊個,因為我唔睇電視,雖然我做電視。喺朋友聚會介紹識,好早期佢又唔係好出名,總之大家唔識,好似幾啱傾喎。好搞笑真係唔識佢,所以冇任何你哋想像中咁挑戰性,切入點完全唔係嗰樣嘢,真係基於啱傾角度開始。」對於兩人在事業上的落差,陳炳銓以跑步來形容,他說︰「佢跑緊100公尺所以快啲,我跑緊100公里,我唔可以跑咁快,會斷腳。」女友曾在公開場合半開玩笑表示「一睇就知我唔鍾意靚仔」,「矛頭」直指男友,他自信的說︰「佢啲對手唔係阿Mo(陳豪)就其他,基於佢嘅程度,我覺得ok嘅。」

談到女友演技,學院出身修讀過舞台製作及表演藝術的陳炳銓笑言︰「有投入到,呢個係佢叻嘅地方,好快捉到重點,呢樣係佢優勝地方,係好嘅。至於準唔準,永遠有進步空間。」在眾多角色中他特別欣賞《潮流教主》中女友演的Vin姐,覺得她有那團火,頗捉到戲中人硬朗的個性。

你揀人,人揀你,有得揀會點揀?雖然手握一代女神,但陳炳銓面對眾鳥在林的後起之秀,到底會是如何取捨?選項除李佳芯之外,同場還有「波波姐」莊端兒、AV女神三上悠亞同PoPo女神。陳炳銓一開始已開宗名義話︰「呢位大部份都稱佢係女神,李小姐。女神欣賞程度,我嘅指標係想像空間同親切感,空間越大越高位,呢位(李佳芯)比較熟悉,所以擺最尾先,因為唔係想像係愛嚟照顧嘅。呢個(三上悠亞)都略為認識,所以冇乜想像空間,因為佢好多影視工作,我好多research揩到。咁樣睇張相(波波姐)影出嚟有想像空間多啲,呢個影得好靚,好有另一種感覺。而PoPo就好似普通網上平台造型。」最後陳炳銓揀波波姐第一位,之後順序是PoPo女神、三上悠亞,最後才是女友李佳芯。

採訪︰何永寧
攝影︰林賓尼

-----------------------------
【撐學生】
召集有心人 撐學生全年睇《蘋果》
立即按此

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載