› 選擇地區
三藩市
紐約
洛杉磯
其他美國地區
香港 台灣 北美
 
2019年09月11日

【貼堂系列】梁芷珊遭藍絲要求充當「天使」 直言冇嬲仲覺得好笑

建立時間 (HKT): 0911 12:14

才女梁芷珊從今年6月開始在facebook多次撰文,表達自己對「反送中」活動的情感,雖然她的文章曾經經歷過「被消失」,其後FB向梁芷珊致歉,並回復文章及帳戶,不過梁芷珊未被動搖,依然繼續發聲。今日凌晨時份,梁芷珊在facebook貼了一張與網民對話的截圖,雖然她曾經表示經常看新聞看電話真係令自己好躁,令自己脾氣差,本來她坦言會迫自己熄機,不要再無限loop最新消息,不過她留言說:「我又重複犯錯,今晚臨瞓前睇自己己個post的留言,有個女人咁樣問我,我咁樣答咗佢。見佢問咗我幾次,我諗佢好想得到回應啩。Post畀大家睇吓,明天del#貼堂9問系列#冇無嬲仲覺得好笑」

事緣梁芷珊昨日在facebook轉發了一段學生手牽手組成人鏈的報道,她留言表示:「我們的下一代,加油」結果惹來一位疑似是藍絲的網民留言:「唔知芷姍姐同女兒幾時可以做小天使俾義士插呢?」梁芷珊隨即留言反擊:「假如你係一個女人,我希望至少比起羅范冇咁out嘅人種,唔該唔好以為自己咁樣講一句,就好寸咀或好毒舌,會hurt到人哋。成年人性交係有自由意志嘅,你理得我吖。又如果你想將未成年嘅攞嚟講,你咪講囉,只會顯得你思想下流。如果你覺得呢句好幽默,sorry,唔好笑;如果你覺得呢句好有攻擊性,更加sorly,好抄唔抄,大可以搵句高質素啲。PS如果知道有未成年少女被誘發生性行為,應該請該名少女家長報警求助,而唔係喺船河時同朋友個朋友講。」

有不少網民力撐梁芷珊,留言圍剿這個藍絲網民,甚至有網民說:「你呢句言論已經被cap。如果芷珊女兒有咩事,閣下挑釁性言論可能被視為犯案動機而成為嫌疑人仕,呢番言論可成為證據呈堂。」不過藍絲的思維實在難以想像,對方仍然鍥而不捨地留言:「義士好有興趣插10A」矛頭直指梁芷珊的女兒,當然她不甘示弱地反擊:「香港係用13A。插錯電壓,小心着火。」王宗堯亦忍不住留言:「智慧與智障!」

接着梁芷珊又再出post,今次她說:「另一個貼堂系列。呢啲比較溫和,但見到都會心煩氣躁,深呼吸一口氣,然後答佢。#貼堂系列 #海外華人」有一個疑似是新加坡的網民說:「請問你點樣解讀擾亂民生,破壞國家設施,向列車抛磚等等行為?這樣算是和平示威,追求民主嗎?」梁芷珊回覆對方:「親愛的新加坡朋友,現在香港水深火熱,相信你也聽聞吧?此時此刻,如果你來一句噓寒問暖,我們會說一聲thank you,但我們有要務待辦,稍後再談。如果你有好的建議幫到手,先多謝你,願聞其詳。但如果你從不在我們當中,只是路過花生,我只好說:王/黃先生早晨,拜拜。」最後當然有不少人力撐梁芷珊,直言這些對話是貼堂系列,更有人說:「講得好,型爆。那些不知底蘊,不甚了解兼隔岸觀火的人,無須應酬!」


-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載