› 選擇地區
三藩市
紐約
洛杉磯
其他美國地區
香港 台灣 北美
 
2019年09月11日

【無懼世事變改】黃心穎新劇解禁成台慶劇 張振朗:希望焦點放番喺前輩身上

最後更新: 0911 18:55 / 建立時間 (HKT): 0911 16:34

【新增內容】

現年30歲的黃心穎在今年4月與許志安爆出「安心偷食」,結果形象盡毀兼雙雙賠上事業,全面停工的黃心穎,除了有份主唱的處境劇《愛·回家之開心速遞》主題曲被換成純音樂外,連帶有份演出的劇集《法證先鋒IV》和《牛下女高音》都傳要重拍,最後《法證IV》改由湯洛雯頂上,《牛下》本來有傳由江嘉敏補拍心穎的戲份,惟因其他演員檔期的問題而不能重拍,最後只好直入「雪櫃」,播映無期!

之不過基於「變幻原是永恒」的情況下,往往出現意想不到的事!雖然近日有不少網民狙擊無綫揚言罷睇,但仍然有不少師奶觀眾追劇,每年踏入9月,都有觀眾期待台慶劇的推出,再預測視帝、視后的熱門人選,不過今年情況與過往有所分別,至今仍未公佈台慶劇的陣容,甚至有傳在10月的台慶亮燈,儀式亦會有所改變!據facebook專頁「方以文 睇電視喇喂」昨日透露,有指《牛下》逃出生天,將於下月7日在8:30時段播出:「今次真係變變變生命力,一日未播都繼續可以變變變。我一直話佢伺機翻生嘅《牛下女高音》嚟個破冰轉身,早過《鳳奕》出街,播完《街坊財爺》就會播佢。不過我覺得《鳳弈》接《牛下女高音》之後播仲大衝擊力,因為呢套陸劇會跌入台慶時段,就算佢冇「台慶劇」之名,都有台慶劇之實。咁《C9特工》呢?唔見咗……仲有另一個消息,《黃金有罪》調咗去下年播,跌出台慶劇之列。咁《多功能老婆》同《解決師》呢?坐定粒六~#無綫 #TVB #台慶劇」

消息一出,隨即惹來熱烈討論,有人猜測女主角黃心穎是否已經解凍,將會現身宣傳劇集,亦有人表示:「睇乜播乜都好,唔想見到大陸劇喺黃金時段出現!」甚至更有人表示只會期待一班老戲骨的演出,當日監製黃偉聲有感綠葉演員一直默默耕耘,所以決定開拍一部以綠葉演員為骨幹的劇集,除了張振朗和黃心穎外,吳岱融、龔慈恩、鍾景輝(King Sir)、蔣志光、韋家雄、羅冠蘭、歐瑞偉、曾偉權、鄭敬基和車婉婉等人亦有參與演出,今次更找來憑電影《樹大招風》獲香港電影金像獎最佳編劇的龍文康,擔任編劇和編審,又找資深音樂人劉諾生(John Laudon)擔任音樂監製,為劇集創作及編寫了30多首歌曲,當中包括陳百強和王傑等著名歌手的經典金曲,而最最最重要的事,此劇將會是King Sir 暫別電視圈之作。

曾經因為《牛下》播出無期而一度不開心,但直言不會埋怨的吳岱融,對於劇集能夠重見天日,他今日回覆傳媒說:「真係好開心,我哋呢班中佬嘅戲而家可以出街,希望可以多啲人欣賞呢套戲!」主角張振朗表示:「我都係啱啱收到通知,我好希望觀眾可以將焦點放番喺一班前輩身上,因為佢哋真係用咗好多心機同心血係呢部劇度,佢哋好enjoy每一分每一秒,《牛下女高音》係一個好好嘅劇本一部好勵志嘅劇集,而且亦都可能係king sir嘅退休之作,希望大家可以鍾意一班前輩。多謝!」監製黃偉聲亦回覆傳媒確認這個消息,同時表示未有刪剪黃心穎的戲份,但據知心穎暫時不會出席任何宣傳活動兼接受專訪。至於其他台慶劇的安排,楊千嬅和周柏豪演出的《多功能老婆》將在11月播出,而王浩信主演的《解決師》,會緊接《金宵大厦》後播映!

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載