› 選擇地區
三藩市
紐約
洛杉磯
其他美國地區
香港 台灣 北美
 
2019年09月11日

【港姐之母逝世】袁偉豪難忘Rosa教導面對傳媒 收到死訊感突然

(攝影:仇志德)
最後更新: 0911 19:26 / 建立時間 (HKT): 0911 18:55

【新增內容】

港男出身的袁偉豪在傍晚6時左右到靈堂向「港姐之母」陳紫蓮(Rosa)致祭,他透露自己在2007年參選香港先生時,已獲對方照料,他說:「知道佢(Rosa)嘅死訊時,覺得好突然。其實喺Rosa退休之後嗰幾年,我哋已經好少見面,所以今日特登嚟見佢最後一面。」

提到對Rosa的印象及難忘事,袁偉豪說:「Rosa好好人,當年自己參選時遇到疑難,佢都好好,教導我哋,同埋教識我哋點樣去面對傳媒、喺比賽期間點樣提升自己。後來我加入咗TVB嘅management,少咗同外事部合作,但久唔久都會喺啲慈善活動度見到佢嘅。」

問到他有沒有被Rosa責罵過,袁偉豪說:「鬧就冇,因為自己當年仲係年輕,參選時有啲唔係咁好嘅新聞,Rosa都有親自嚟同我傾偈同了解吓。」問袁偉豪是否覺得Rosa像他媽媽一樣?他坦言:「都係嘅。」

謝寧和老公一起現身,謝寧指Rosa對她來說像一個媽媽,21歲入行時已經認識對方,當時去到美國選美的時候,會把Rosa當作親人,更會抱著她哭,到長大後便把對方當作大姐姐。問到在Rosa身上學到甚麼,謝寧說:「佢個人好老實,做嘢好正面,唔會行差踏錯,佢都教我唔好傳咁多緋聞,教我好多嘢,係一個好盡責嘅媽咪。」問到上次見Rosa是甚麼時候,她指是很久以前,但那份情一直都在。謝寧沒有見到Rosa最後一面,她也感到很可惜。

胡杏兒今日獨自一人到殯儀館悼念Rosa,問到胡杏兒對Rosa有何印象?胡杏兒說:「今年係我入行廿年,亦都係選港姐廿周年。每次見到Rosa佢都會用一對好溫暖嘅手捉住我、問候我近況,喺選港姐嗰陣佢好保護我哋,佢係一個好難得嘅人,世界上冇乜人好似佢咁,將一生奉獻畀香港小姐呢四個字,而我自己都好遺憾陪唔到佢最後嘅日子。」

問到以前可有被Rosa責罵?胡杏兒說:「佢唔會鬧㗎,佢會好似媽媽咁去教我哋,同我哋傾偈。」那麼Rosa教導當中可有哪件事比較深刻?胡杏兒說:「佢每次都係『Girls!Girls!』咁叫我哋,真係好掛住佢。有一次99年嘅港姐約食飯,大家都有提及佢,但係我唔知佢有病,知道呢個消息時都覺得好突然,因為佢喺我心目中係好後生好健康,希望佢安息。」

77年港姐冠軍朱玲玲表示:「佢79年先接觸港姐,但係我哋喺慧妍雅集相識咗42年。」

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載