› 選擇地區
三藩市
紐約
洛杉磯
其他美國地區
香港 台灣 北美
 
2019年09月12日

【引用歌詞】明福俠出post賀中秋 網民趁機發聲︰黎明來到 要光復 這香港

建立時間 (HKT): 0912 20:03

今日是農曆八月十四日(迎月),明福俠黎明(Leon)今日在社交網貼了一張相,祝大家中秋節愉快之外,亦向大家預告,樂壇新人明福俠與默默耕耘的歌手Auto Tom組成的樂隊Gingerbread,將於下月31日萬聖節當天會舉行一場歌友見面會,明福俠留言寫︰「祝大家:中秋節愉快,圓圓滿滿,我哋準備係10月31號萬聖節開一個細細地的Gingerbread歌友見面會,應該有歌聽丶有遊戲玩,有獎品!場地丶Feat.嘉賓和時間會再update大家。」

明福俠這個post一出,短短2小時已有8千多個like及1千多個回應,但不少網民的留言都引用了近期抗爭運動的歌曲《願榮光歸香港》中的歌詞,尤其這一句︰「黎明來到,要光復,這香港」,幾乎被洗版。

不過有黎明fans認為不應該在偶像的專頁中這樣留言,有fans留言說︰「唔該!!!拜託!!!唔好搞Leon」亦有網民說︰「對,不論政見!請各位三思呢啲comment對Leon有冇正面影響。」不過有fans認為︰「我明白好多娛樂圈嘅人身不由己,要被迫表態。希望Leon珍惜香港市場,不要離棄香港人,好讓我們一如既往地支持你!中秋節快樂!五大訴求,缺一不可。」

亦有網民認為偶像Leon向來很豁達,不介意大家向他表達個人想法,網民這樣留言︰「我見到有部分人話啲人抽Leon水,好嬲啲人喺度唱《願榮光歸香港》嗰句『黎明來到』。聽咁多年黎明金句,佢係咩人,大家好清楚。Leon出咗名豁達、大量,佢唔介意大家向佢發表自己嘅想法。無論你係黃、藍、紅定係中立,Leon都只會當大家係地球人,當大家係地球上嘅旅客。佢唔會向大家表達自己嘅政見,亦唔會阻止大家去發聲。希望身為黎明fans嘅每一位,好好學習Leon嘅豁達。本身我都冇諗住喺度唱,但見到一個、兩個、三個……都喺度唱,我唔想佢哋孤單,唯有叫多啲人一齊嚟唱。我記得黎明唱過《你不會孤單》㗎。黎明來到,要光復,這香港。」

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載