› 選擇地區
三藩市
紐約
洛杉磯
其他美國地區
香港 台灣 北美
 
2019年09月19日

【歡喜冤家】黃溢濠拍旅遊節目唔識睇稿 岑樂怡唔怕同前輩作比較

建立時間 (HKT): 0919 09:00

社會氣氛緊張,在沉重的心情下,大家也該自我放鬆,尋找一刻的愉悅,ViuTV最近播放的旅遊節目《富士山朝聖之旅》,由岑樂怡(阿妹)與黃溢濠鬼馬主持,他們猶如一對歡喜冤家,經常打牙骹戰,節目中解構鮮為人知的富士山秘密之餘,他們最希望帶來一點歡樂,阿妹說:「暫時嚟講收視都幾好,我都估唔到,因為日本對好多香港人嚟講已經好熟識,怕大家冇興趣睇,呢排政局唔係咁好,點解大家仲會花時間去睇呢?我諗而家係需要啲輕輕鬆鬆、唔需要太用腦、風景又幾靚嘅嘢,反應咁好我哋都好開心。」阿妹又指知道坊間有很多前輩拍攝的旅遊特輯,問到他們如何在芸芸節目中取悅人?阿妹說:「同其他比較我覺得冇所謂嘅,鬥就鬥啦!但係點樣鬥就冇諗過。」溢濠則謂沒有想跟其他前輩作比較,只期望這對錯配的感覺能夠惹大家一笑。

旅遊節目中的行程將圍繞富士山作中心,他們走訪山梨縣、靜岡縣、神奈川縣各地方,這是溢濠首次參與旅遊節目的主持,他自言緊張萬分:「整個旅程都好難忘,我係第一次做旅遊節目主持,所以相當有壓力,因為我拍開戲,連拍攝旅遊節目嘅方式我都唔知,開頭真係好驚,驚自己做唔到,連點樣開始睇份稿我都唔識,份稿幾10頁,我問阿妹點入手,佢就教我去研究吓當地特色文化,第二就係去到之後講出自己感受。」阿妹則說:「其實我哋兩個都未去過東京,亦未親眼見過富士山嘅,一開頭係有啲驚,因為香港人都對富士山同東京係好熟識,咁點算呢?同監製傾,佢就話唔緊要,我哋可以用第一身嘅感覺去睇,到埗之後第一眼見到富士山,感覺係好amazing。其實拍嘅時候我都驚,旅遊節目我拍咗好多次,但佢就第一次,我怕個主導喺我身上,所以開頭我就逼佢做講嘢先,由開頭係我蝦佢,去到後尾佢開始攻擊我,咁就變咗有火花嘞。」

溢濠更感謝師姐阿妹帶挈,令他有今次參與的機會,阿妹笑說:「其實係監製問我想同邊個合作,我就話最近同黃溢濠同另外兩個男演員拍緊嘢,最後佢就搵咗溢濠嘞,好唔好彩。」阿妹不時分享拍攝節目的經驗,鼓勵溢濠不要照稿讀,憑自己感覺在節目中分享,溢濠卻投訴經常被阿妹整蠱,他說:「本身我哋會夾好晒點樣拍,但係佢一出去就改稿爆肚,好彩我都接得住,我都做過吓戲,食過吓夜粥。」二人回憶起拍攝時的趣事,不禁咯咯大笑,27歲的阿妹更嘲笑比她小一歲的溢濠心智不成熟,鬥嘴過後,他們均謂希望將來能夠在大銀幕合作,繼續當一對歡喜冤家。

採訪:羅慧敏
攝影:仇志德
攝錄:廖達燊
髮型:Larry Ho @ il colpo(黃溢濠)

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載