› 選擇地區
三藩市
紐約
洛杉磯
其他美國地區
香港 台灣 北美
 
2019年09月20日

【獨家專訪】金義聖見港警不停打人 有感香港人好孤獨

建立時間 (HKT): 0920 06:00

人氣韓片《屍殺列車》的53歲男星金義聖,一直都非常關心香港「反送中」運動,除了於社交網力撐港人外,他日前更親自來港,跟韓國MBC新聞節目《探查企劃Straight》攝製隊一齊踩入灣仔、金鐘、沙田、調景嶺等地,實地採訪香港的示威情況,並再度接受本報的訪問。

相關新聞:【逆權運動】被捕骨折者求醫遭警留難 醫護斥傷勢唯一可能遭虐打

金義聖今次隨製作團隊低調訪港,不過周日他現身示威現場時,隨即被廣大香港市民認出,他亦有親民地跟大眾合照及握手。對於在香港如此受歡迎,金義聖受訪時都坦言感到驚訝:「好驚訝咁多人認到我、歡迎我、一齊合照,亦有多謝我嘅聲音。其實我做嘅都係好小事,只係keep住喺IG上載支持香港人嘅留言,但去到現場甚至有市民攬住我喊,我有種『因為外界都冇認真理解過香港現時發生咩事、冇努力將現況傳遞出去,香港人好孤獨,所以就算只係我小小嘅關注,都令香港市民好感動』嘅感覺。」被問到拍攝期間有否擔心自己的安全,金義聖稱訪港前一度擔心過,身邊朋友亦相當擔心,不過抵港後得到不少人的幫忙、受到很多人的歡迎,在沒有危險的情況下完成採訪。

金義聖的團隊不只周日上街拍攝,之後數日都有去到不同地方採訪不同人士,亦見到學生組成人鏈的場面,他表示:「原先只知道有呢場民主運動,僅抱住支持嘅心去為港人應援,但直接嚟到之後,親身感受到呢場運動對港人嘅重要性,以及港人對於擁有自由、民主強烈嘅希望。」團隊周日在示威現場拍攝期間,亦有目睹警方發射催淚彈、利用水炮車鎮壓的場面,金義聖稱:「其實大多數市民都好和平,但當然亦有站在前線嘅勇武派,我亦知道香港市民近月一直經歷嘅事,所以明白市民嘅憤怒,而當晚見到警方使用武力鎮壓、不停打人,我都覺得好嬲。」

相關新聞:【逆權運動】隨機拘押 濫捕濫射!克警向民居記者亂射催淚彈

被問到連日來外出採訪中,印象最深刻的對話或故事,金義聖坦言好多對話都令他感到難忘及感動:「問過好多人『點解會出嚟抗爭』,幾乎所有人嘅回答都係『我哋而家唔企出嚟,就100%會輸,雖然咁樣抗爭有可能會輸,但亦有可能會贏,所以一定要企出嚟。』因為抗爭已超過3個月,現時情況越發嚴峻,甚至有警民衝突,我採訪時有問佢咃會唔會覺得好攰、覺唔覺得有希望,有人話『唔係因為有希望先繼續堅持,而係堅持落去先有希望』,聽到呢句說話我都覺得好感動。我又從受訪議員口中得知,有一名主婦曾帶埋小朋友行到前線,令我感到驚訝,我先知道並非只有年輕學生企喺最前線抗爭。」

韓國早年亦有大規模示威活動,最為港人熟悉的就是改編為韓片《1987:逆權公民》的「六月民主運動」,事關當年情況跟香港現況十分相似。金義聖之前受訪時表示自己年輕時都曾上街抗爭:「其實當年仍然好細個,已經不太記得詳細內容,係上咗大學睇返啲片先有返印象。當年示威情況都好嚴重,有扔磚頭、汽油彈,警察亦有發射催淚彈,便衣警員亂打人等,不過已經過咗咁多年,現時嘅示威活動都發展到另一形態。」現時香港警民衝突情況十分嚴重,金義聖稱當年也一樣嚴重,不過現時韓國已禁止使用催淚彈、水炮車。

對於港警之前曾於一日內發射超過800枚催淚彈的做法,金義聖笑言以前韓國警方曾於日內發射逾千枚催淚彈:「催淚彈其實對人體相當有害,假如警方係協助市民和平遊行示威,根本唔會發生之後嘅衝突。但目前由我所見,香港警察並冇將市民視為佢哋應該保護嘅對象,反而視市民為敵人。市民發起遊行示威,警察好應該幫忙市民喺安全情況下進行,但現時警方並冇咁做,反而驅散、拘捕市民,我唔認為呢個係警方嘅職責。」提到催淚彈對人體有害,不過周日金義聖在現場時並沒有戴上「豬嘴」,被問到有否感到不適,他表示:「因為我都唔係行到最前線,同埋之後想行前時,前線人員就示意我因為冇豬嘴,阻止我唔好上前,不過因為催淚彈嘅煙向四處飄散,所以我都有咳同標眼水。」

近日香港媒體採訪示威現場時多次受到警方阻止,金義聖表示幸好團隊連日來採訪時沒有受到阻礙,不過亦有聽聞警方阻止傳媒拍攝、暴打示威者的事,被問到會否覺得香港的新聞自由正被打壓,他認為雖然表面看似正常,但其實市民無法自由地選擇能夠代表自己或香港的政客、議員或高官,是現時香港最大的問題。

目前「反送中」運動已持續3個月,被問到韓國國民有多了解是次抗爭運動,金義聖表示:「我相信好多人都聽過有呢個運動,但我估計深入了解嘅人唔多,其實我都係。好似之前特首林鄭話會撤回條例,我同樣有『咁所有事情都得到圓滿解決喇』嘅想法,不過近日外出採訪時,發現原來所有香港人都唔接受,而今次親自來港後,慢慢了解到香港市民到底想要啲咩,如果話香港市民之前抗爭係為咗阻止最壞嘅情況發生,而家佢哋係為咗有更好嘅未來而抗爭。」至於香港5年前曾進行的雨傘運動,金義聖受訪時亦稱:「當年有聽過呢個運動,不過當時冇太大關注。」

之前在韓港人亦有舉行集會撐香港,關注事態的金義聖亦有拍片支持,不過他表示因為忙於工作,未有直接參與當時的集會。對於美國《香港人權及民主法案》的看法,金義聖坦言假如通過的話,是對香港相當有意義的事,亦能夠對中國政府造成壓力,雖然目前抗爭運動可令外國得知現時香港的情況,不過他認為港人不應太依靠通過《人權法案》,港人的未來、自由、民主應由港人自己爭取。

金義聖作為首位韓國藝人公開撐港人,反而不少香港藝人因為大陸市場而噤聲,被問到會否覺得香港藝人沒有勇氣表達自己的意見,金義聖表示:「我唔覺係冇勇氣嘅表現,因為香港同中國咁近,假如直接公開表達自己嘅意見,可能會影響未來工作甚至會威脅到人身安全,其實韓國藝人都一樣。雖然目前大陸禁韓,但假如未來禁韓令解封後,我有份演出的電影、劇集都有可能被禁止輸出到中國,未來都有可能影響到我嘅工作,不過我一直保住『只為今日而活』嘅心態,應做嘅事就今日做,但我唔可以要求所有人都咁諗。雖然我理解香港藝人擔心啲咩,所以無法公開稱自己撐港人,但佢哋公開撐港警執法嘅行為,我就覺得有啲嬲。」由於金義聖公開撐港人,其IG持續受到中國網民留言攻擊,他表示目前仍有不少網軍留言,特別是他親身來港後變得更多,但他亦坦言沒有關注網軍的留言。

採訪:文康妮
攝影:沈健程
錄影:馮嘉銘

-----------------------------
【撐學生】
召集有心人撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆明日香港

【逆權運動】被捕骨折者求醫遭警留難 醫護斥傷勢唯一可能遭虐打 【逆權運動】隨機拘押 濫捕濫射!克警向民居記者亂射催淚彈 【逆權運動】警謊話連篇!訛稱新屋嶺無網絡 拒讓被捕者找律師 【逆權運動】克警暴行個案細節流出 陰濕抓示威者受傷部位:是否這處? 【逆權運動】借淘寶宣揚「五大訴求」!《蘋果》實測聘非洲童叫口號被回:怕怕 【Video Talk│醫家有Say】社會撕裂自殺成常態? 專家提醒輕生念頭有迹可尋 實體版《自由之夏》特刊 周五隨《蘋果日報》附送 【逆權運動】岳男發聲明澄清毋須籌款 感謝支持者關心籲港人加油(附親筆信) 【逆權運動】美參眾兩院委員會下周三齊審《人權民主法》 料條文「加強」至涵蓋保障反送中示威者 【逆權運動】曾派列車載抗爭者走 港鐵主席改稱「難睇」 料已失逾3,000萬財產 【9.21光復屯門】警方反對 申請人上訴獲勝 下午2時起步! 【逆權運動】民間記招批報警無用撐自衞還擊 未懼「清潔日」再有恐襲:前線會有對策 【逆權運動】何君堯「清潔日」如預告恐襲 嚇怕多校cut活動 聖提停水運會 【逆權運動】8.24觀塘遊行遭警濫捕指非法集結 劉頴匡「踢保」成功 【被捕.然後】直擊律師協助被捕者 致電警署近百次無人接聽 奔波大半夜始能接見 【被捕.然後】被捕者自白:可能冇人知我喺度,即將發生咩事呢? 【被捕.然後】經常被指阻差辦公 社工:警方做法才是阻礙被捕人士權益 【逆權運動】大律師公會譴責太子站警暴 粗口大狀去信質疑偏見「選擇性譴責」 【逆權●小店】何君堯撒銷申請不反對通知書拆連儂牆 良心小店:這樣他們更可任意妄為 【逆權運動】葉劉葡萄定淆底?嘲赴美港青不代表港人 發言誤導議員 【逆權運動】克魯茲將抗爭比喻為挑戰柏林圍牆 「美國與你們同在」 【逆權運動】發叔妹夫批何君堯想做特首撩是鬥非 鄉議局發聲明割席 【對抗五毛】Twitter有得「隱藏留言」 美國、日本率先試 【逆權運動】百名港大生揮美旗校園遊行 促美國會盡快通過《人權法案》 【逆權運動】警被指姦殺抗爭者 PPRB挑機促所謂受害人拿出證據 【叉雞飯呀X你老母】全城最熱「叉雞飯」片段 燒味店食客:好似有人幫我出咗一口氣 【逆權運動】7.21元朗恐襲 57歲男子涉參與暴動被捕 【新景園主動FC】譚詠麟食飯被拒入座 事頭婆:做唔到嘞,對唔住! 【逆權小店】深水埗「糖水團」派綠豆沙 被電話騷擾 甜品店老闆:不能置身事外 【逆權小店】必定站在雞蛋那方 中秋請食湯圓 佐敦西餐老闆呼籲同行投票:選自己想選的人 【逆權運動】皇崗口岸演習 武警叉頸制服鬧事、縱火黑衣人 【逆權運動】白衣男荃灣港鐵站外遇襲 遭兩男子打爆眼角 【逆權運動】乘客減、設施損毀 港鐵料損失4000萬元 【逆權運動】滙豐內部通告「割席」:遮打集會召集人非員工 解僱與滙豐無關 【逆權運動】Twitter再封鎖數千中國賬戶 「對港示威人士挑撥離間」 【逆權運動】過千名學生荃灣商場大合唱 促交代8.31太子事件 【逆權運動】傳網民圍沙田酒店準備「招待」福建幫 半百警員大陣仗戒備 【逆權運動】滙豐外判客服主任擬組工會遭炒魷 400市民遮打聲援 港府向聯合國提交人權報告未提傘運 7年間16人在警看管期間死亡 【逆權運動】國際特赦揭警多次署內虐犯 逼男童雷射筆自照眼 威脅電擊下體
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載