› 選擇地區
三藩市
紐約
洛杉磯
其他美國地區
香港 台灣 北美
 
2019年09月21日

【何謂幸福】田蕊妮台上分享婚姻真諦 感嘆阿澤由「仆街」變成好人

建立時間 (HKT): 0921 11:08

田蕊妮昨晚在麥花臣場館舉行首個個人演唱會《Kristal Tin New Start Live Concert》,以獨白和歌曲形式向觀眾回顧入行至今的經歷,又邀得林二汶任嘉賓合唱《早班火車》,娓娓向觀眾道出由93年參加亞視歌視歌曲比賽入行,後來成為演員再榮升視后的經歷。

又用結他自彈結他自唱當年林二汶創作的《守望杜田》,她稱這曲是當年的結婚禮物:「結婚前我好多嘢驚,結婚後以為所有安定落嚟,點知佢一而再、再而三拖我跳出comfort zone。結婚14年,我由唔敢做決定、乜都驚嘅人變做勇敢嘅人,老公亦由一個『仆街』變成一個人,甚至佢喺我心中,係一個好好嘅人。」

阿田更指結婚初期身邊獲很多人羨慕她住豪宅戴鑽戒:「但近呢幾年同一班人同我講『你老公做嗰啲嘢有冇諗你感受,叫佢唔好講咁多嘢』,佢哋咁講完令我諗咩叫幸福,其實同我諗嘅相反,啱啱結婚老公的確冇諗我感受,鍾意做就做,但近幾年佢照顧得我好好,生活同心靈上都照顧我感受,幸福唔係老公表面上畀咩我,而係經過多年經驗同相處,點樣可以將彼此變成更好嘅人。」獲全場掌聲。

2013年阿田奪雙料視后同期媽媽胃癌復發,於是決定留港照顧媽媽:「直至因為一套劇要去馬來西亞攞獎,諗住離開一、兩日冇事,但攞完獎落台收到爸爸訊息叫我返香港即刻去醫院睇媽咪。」阿田稱自己很後悔離開香港,而田媽媽未幾就因病離世,然後唱出送給媽媽的《最親》,唱到尾聲更感觸落淚。到Encore環節時有幾位歌迷帶蛋糕上台為月底生日的她提早慶祝,全場一齊向田唱生日歌,最後以一曲《未來見》為演出劃上句號。

完騷後阿田接受訪問是直言相當不捨得,她稱原本演出超過三小時:「有一Part係當年亞視嘅主題曲,但由於真係冇乜人識,加上時間太長,無奈之下唯有Cut咗,而果一Part原本係有坤哥(吳業坤)做嘉賓。」阿田笑言Cut去坤哥的環節後,令整個演出流暢不少。講到台上分享跟老公的生活點滴,並形容他為「仆街」,阿田笑稱:「佢知道有呢一Part,而『仆街』對佢真係好貼切嘅形容。」

另外在台上講到媽媽時感觸落淚,阿田表示起初很擔心不能控制自己情緒:「老公同導演都有同我講,一個表演者要傳達訊息,不能太情緒化要好好控制自己。」完成演出後阿田表示最期待去打邊爐大吃一頓,問到28號正日生日有何慶祝活動?她說:「之前忙緊演出都冇諗,不過嚟緊好得閒我會慢慢諗。」

採訪:曹家誠
攝影:仇志德、馮嘉銘

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載