› 選擇地區
三藩市
紐約
洛杉磯
其他美國地區
香港 台灣 北美
 
2019年09月21日

【陳潔靈頂上】《造星II》監製花姐認換走撐警劉美君 已錄片段或「被消失」

最後更新: 0921 17:45 / 建立時間 (HKT): 0921 15:07

(新增內容)

劉美君(Prudence)在今年6月30日在facebook公開撐警,將封面照片換成「阿Sir我撐你 We Support HK Police」字樣的照片,結果遭網民狠批,後來她指自己不關心政治,又兩次更換封面照片,但網民仍然不收貨,紛紛留言鬧爆:「希望不會在ViuTV再見到你」、「咪X畀我喺ViuTV見到你」、「再有你出現,我決定罷睇」、「請遠離MIRROR,不要影響大好前途嘅年輕人」等。

劉美君原本有份為ViuTV重頭製作《全民造星II》的星級導師,還於6月23日與火火和郭偉亮(Eric)一齊錄影第一集,錄影前更安排記者進行訪問。不過,昨日有報道指劉美君被節目組換人,改由曾為無綫擔任4屆《超級巨聲》評判的「Miss Chan Chan」陳潔靈頂上。《蘋果》曾聯絡劉美君及其所屬的唱片公司環球均表示「沒有回應」。

節目監製「花姐」黃慧君曾向網媒否認與政治立場有關,但《造星》向來是針對年輕觀眾,她承認近日社會氣氛繃緊,作為一個監製,只希望大家睇完節目後能夠輕輕鬆鬆。據知製作團隊會將3位導師齊齊出現的畫面全部刪走,只餘下火火和Eric Kwok的近鏡,意味着劉美君或將會完全「消失」。花姐還透露劉美君自己都想返美國休息,但未有透露由誰決定結束合作關係,似間接承認「撐警事件」是今次換人的導火線。

而劉美君在撐警事件後,在社交網已甚少談政治,在8月6日她突然上載一則黃霑撰寫的舊剪報,題為「真民主與假民主」,她有感而發說:「Thinking of you 霑叔,大頭妹好掛住你呀!好懷念你還在的日子!#黃霑」。

花姐今日在奧海城出席《造星II》活動即被傳媒追訪,問劉美君是否被Cut?她直說:「係,可以咁講嘅。」與撐警有關?她欲言又止:「因為……其實講真唔係好想今日講,花姐都想大家留意我做嘅節目,《脫獨》、《造星》都係想pass啲正面好開心訊息,唔想被其他嘢介入令到大家轉移視線,公司同藝人合約細節唔想講太多,但我覺得我現在導師(即火火、Eric和陳潔靈)係最適合《全民造星》,亦想大家集中睇我哋嘅參賽者。」

追問劉君美被勸退是否與撐警有關?她說:「阿花係天不怕地不怕嘅,一個好嘅節目唔驚任何嘢,我對自己嘅節目好有信心,我目的係娛樂觀眾,係我做電視節目製作人嘅目標,我有信心唔會因乜嘢而影響人哋睇我嘅節目。」再追問是否與劉美君撐警post無關?她說:「我唔知人點睇,但阿花從冇諗過。」她表示不清楚公司與藝人之間的合約細節,但與劉美君本身是朋友,她說:「我哋係,如果喺唔同立場係有溝通嘅,但工作上冇提。」而《造星II》已錄影至一半,換人沒有影響製作。


-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載