› 選擇地區
三藩市
紐約
洛杉磯
其他美國地區
香港 台灣 北美
 
2019年10月09日

【比一般人脆弱】羅孝勇手指患骨瘤 樂隊初次演出即冇得彈結他

(攝影:張明)
建立時間 (HKT): 1009 17:03

羅孝勇為主音的樂隊Harbor Homme,今日在商台接受訪問。羅孝勇早前撞傷手指,醫生發現其手指患骨瘤,手指比一般人脆弱,容易碎裂。早前因手指受傷,令他未能在樂隊首場演出中彈奏結他,羅孝勇說:「撞啱樂隊第一次出show就整傷手指,唔能夠演出 ,暫時唔能夠彈結他,因為啲骨移位,令神經線受損,試過攞結他都冇力,醫生話要特別治療,要睇多一個月,現時感覺有啲痺,雖然隊band第一次演出就彈唔到,但算係不幸中之大幸,因為撞到唔係太犀利,如果再大力啲就碎。」羅孝勇轉述醫生指骨瘤出現沒有確實原因,但並非惡性,不會轉化為惡性瘤,他說:「好彩需要做嘅工作大致完成,嚟緊11月拍嘢,暫時唔影響工作。」

音樂人鍾達茵(Pam)今日去到商台宣傳新歌《驚天戀曲》,Pam指新歌以描述女性到達中年不重要,人生有遺憾才算是無憾。Pam早前推出卡式錄音帶,製作多首作品,目的是完成其踏上舞台夢想,Pam說:「之前問過Joey Tang(鄧建明),問佢可否俾機會我做佢演唱會嘉賓,獲得Joey應承,令我夢想成真。自己一直想做演唱會嘉賓,見到好多歌手做演唱會需要籌備好多事,覺得十分困難,自己嘅夢想係做人哋演唱會嘅嘉賓,任何演唱會嘅嘉賓都想做。」入行10年的Pam曾為張智霖、Mr.、黃貫中等擔任和音,Pam說:「好感謝Joey畀呢個機會, Joey喺11月20號嘅演唱會有好多幫佢彈過歌嘅歌手做嘉賓,側田係其中一位,自己好榮幸有呢個機會。」

採訪、攝影:張明

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載