› 選擇地區
三藩市
紐約
洛杉磯
其他美國地區
香港 台灣 北美
 
2019年10月09日

【一早割席】譚小環忙拍劇 冇留意謝振中移民被拒

建立時間 (HKT): 1009 20:30

ViuTV今日在九展舉行「2020年節目發佈會」,在處境喜劇《娛樂風雲》再度合作的李麗珍、葉蘊儀和張慧儀今次合演「開心婦女組」,李麗珍說:「我畀提議搵佢哋,有佢哋陪我,我好開心,好快就煞科,大家都輪住萬歲請食乳豬、乳鴿,食到肥咗。」李麗珍表示要減肥,目標是減5磅,她解釋因為接拍了復出後第一部電影,不過內容未可以透露。

相關新聞:【齊齊缺席金馬獎】Stephy開心獲認同 袁富華赴日教戲無檔期

在《娛》劇中再度獻唱的譚小環,相隔多年重踏錄音室,她笑言暫時不會再唱《如果天空要下雨》,她說:「劇情講我係過氣女歌星,幕後有人誠意邀請我出嚟再踏足舞台,都有少少怯怯哋,喺現場又要唱,又要入錄音室,好彩監製收貨,我都寶刀未老,都幾得意,可以滿足番我以前做歌手感覺,又可以過戲癮。」提到有傳警察公共關係科總警司謝振中疑移民美國被拒,早前與謝振中割席的譚小環說:「我近排實在太忙於劇集嘅拍攝,乜嘢都騷擾唔到我。」在旁的徐天佑即說:「日日都唔知,4點都唔知,大家都唔知。」對於徐天佑早前在社交網表示「No more Shine」,未知是否受壓被迫與隊友黃又南拆夥,天佑說:「其實我想講,我喺社交網站已經講得好白,當時我冇回覆大家,但我經理人公司已經幫我覆咗,所以我要尊重番公司嘅回覆。」

另外,廖碧兒在重陽節當日,被發現與舊愛盧啟賢(Calvin)在中環撐枱腳,疑似舊情復熾,不過她否認說:「多謝大家關心,只係朋友食飯飲酒,仲有其他朋友喺度。」她表示當時用法文論酒 ,而不時傾時事。問到她與Calvin是否一直保持聯絡?她說:「有,我有時間就會約朋友,因為我屋企人唔喺香港。」提及她的感情生活,廖碧兒說:「開心,我而家追求緊係讀書,我想快啲讀完。」

採訪:黃曉妍
攝影:陳俊強

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載