› 選擇地區
三藩市
紐約
洛杉磯
其他美國地區
香港 台灣 北美
 
2019年10月10日

【風雨飄搖】溫拿農曆年紅館演唱會 隨時撤回開唔成

建立時間 (HKT): 1010 00:30

由逆權運動演變至抗暴之戰,這幾個月來香港陷入風雨飄搖,社會變得撕裂,國家領導人鄧小平生前曾承諾港人「馬照跑,舞照跳」,現似已變成一件難事!在香港成立了46年的溫拿樂隊,據知原定明年農曆年檔期,將會在紅館舉行10場演唱會,現卻分分鐘撤回開唔成!

一般演唱會通常3個月前要公開售票,惟至今距開騷只剩3個月,溫拿依然未公佈任何消息,不知是否有變數!曾經紅遍中港台的溫拿,於07年重組假紅館開騷,場場爆滿,之後每5年開一次演唱會,早前入紙成功攞到明年農曆年檔期,惟近月爆發反送中運動,各區遊行遍地開花,發生多次警民衝突,市民狂轟克警濫暴兼濫捕,而早前譚詠麟(阿倫)和鍾鎮濤(阿B)卻偏偏現身撐警集會,令支持了他們多年的歌迷心碎,有歌迷怒碎兩人的黑膠碟和CD,跟昔日偶像割席。

其實未發生反送中運動前,阿倫曾多次在微博暗示溫拿會開騷:「現在等埋阿Bee開溫拿會。」、「今天是奇怪的一天,晨早5時13分得到靈感起床寫了一首為明年溫拿的曲詞。」、「昨天忙了一整天,早上和溫拿開會跟着和環球手足為宣傳活動排練至夜上。」惟直至阿倫被歌迷割席後,就沒有再透露溫拿騷情況。

《蘋果》昨致電向彭健新了解,問到溫拿是否農曆年開騷?他說:「我真係唔知,好多嘢未定,因為而家時勢定唔到,真係答唔到你,未知公司點安排,呢排都冇再傾。」不過,健仔坦言想如期開騷:「我梗係想,因為定咗計劃5年開一次,之前社會冇發生任何事,我哋已經有計劃,但突然時勢變咗咁,我哋都要考慮囉,幾時有決定我都唔敢講。」

如果溫拿演唱會決定取消?健仔說:「梗係可惜啦,好多歌迷都好想睇我哋,呢個係溫拿計劃,除非有特別事情,我哋一定做,對歌迷有交代。但而家社會氣氛唔好,睇演唱會都係想開心,我哋想傳達正能量,入嚟睇我哋演唱會,我想個個人都開心,希望歌舞昇平,我都期待呢日,社會變番和諧。」

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載