› 選擇地區
三藩市
紐約
洛杉磯
其他美國地區
香港 台灣 北美
 
2019年10月10日

【力撐到底】林泳淘心痛中大女學生慘受性暴力 安慰所有身心受創香港人

建立時間 (HKT): 1010 22:12

「你知唔知被捕一刻,我哋會俾警方收起電話,熄晒我哋電話,會用粗言穢語鬧我哋?知唔知警方要我哋去邊就去邊,入黑房就入黑房,除衫就除衫呀?知唔知有速龍用棍打我哋,到呢刻都仲要覆診呀?知唔知新屋嶺搜身室係全黑架?你知唔知唔只我一個遭受警方性暴力呀?其他被捕人士被不止一名不分性別警員性侵及虐待?知唔知我哋俾人打嗰時港鐵職員望住我哋俾人打都視而不見呀?知唔知我哋喺拘留過程當中係肉隨砧板上,任人魚肉呀?」以上說話,出自一名今晚出席中文大學女學生口中,她在中大的師生對話中,向中大校長段崇智對話說出一段親身恐怖經歷。該女學生自揭是831嚴重傷者及被捕人士之一,亦曾被帶到新屋嶺新屋嶺扣留中心拘留。

上月疑因個人政見而被TVB提早解約的林泳淘,在回到自由世界後繼續敢言作風,日前「Empty R」港鐵停駛,她出post說:「沒有地鐵的生活,一點也不難過。」今晚,在中大女生講出恐怖經歷後,林泳淘亦力撐女學生到底,她在IG說:「最痛的是學生們都把自己的心赤裸裸地敞開了,但當權者卻不屑一顧…」、「請替我擁抱一下那位勇敢的女學生,還有所有身體和心靈受傷的人。」

林泳淘在《蘋果》訪問中曾說,過去幾個月每次睇新聞都會睇通頂,見到小朋友被打會落淚,會痛心。被網民稱作民主女神,不過她就說受之有愧:「呢件事上我冇做乜嘢,只係一開頭叫人留意,同朋友share吓,但冇真正做到好似佢哋(前線)咁,佢哋先至係真正努力嘅人,自己付出嘅努力遠遠追唔到佢哋,唔好咁嗌我,真係自愧不如。」

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載