› 選擇地區
三藩市
紐約
洛杉磯
其他美國地區
香港 台灣 北美
 
2019年10月15日

【偷食行遠啲】梁漢文同董敏莉好友偷情 夫妻關係正式破裂

建立時間 (HKT): 1015 13:30

董敏莉與梁漢文日前為ViuTV劇集《假設性無罪》拍攝兩場分別是吵架及熱吻的重要戲份,戲中二人飾演夫妻, 表面是模範夫婦,實質關係早已平淡如水,各自發展婚外情,梁漢文與太太好友偷情,其後董敏莉發現丈夫的外遇正是自己好友,夫妻關係正式破裂。

久未拍劇的董敏莉大讚梁漢文專業,更與她分享口腔清潔用具,為接吻戲做足準備,她笑說:「佢臨埋位前畀咗粒丸我,原來沖水會變做漱口水,大家都好Fresh。我比較少拍呢類親熱場面,所以今次都係極限㗎喇!事前都有同老公講,佢反問我有幾激,之後笑笑口行咗去。」

對於被董敏莉大讚拍攝接吻戲專業,梁漢文謙稱自己不是專家,他說:「我經驗都唔係豐富㗎咋,做好準備係尊重對手囉!好在平時去外地做騷要坐長途車,有晒呢類清潔用品,今次終於大派用場。」

至於吵架戲份,他表示要拍攝一種處處忍讓的感覺,其實與現實很相似:「男女相處之道都係差唔多啦!兩公婆要互相遷就先可以和諧。」董敏莉指平日跟老公甚少吵架,她說:「鬧交需要好多能量,所以現實中會選擇冷戰,因為可以慳番啖氣,同埋個女出世後,差唔多冇鬧過交喇!」

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載