› 選擇地區
三藩市
紐約
洛杉磯
其他美國地區
香港 台灣 北美
 
2019年10月17日

【三度離婚】68歲劉永獨力照顧兩幼子︰而家生存都係為兩個仔

建立時間 (HKT): 1017 14:25

現年68歲的資深演員劉永出身邵氏,八十年代憑亞視劇集《秦始皇》中秦王嬴政一角,在中港兩地爆紅。他一任太太是台灣藝人戴良純,第二任太太為亞姐冠軍出身的黎燕珊,他們於92年結婚,2004年離婚育有一子一女。07年他跟年輕30年的大陸女子黃麗燕結婚,兩名兒子分別是12歲及8歲,在港升學。今日有雜誌報道劉永跟大陸妻分開,他將賣掉中山的房產所得,分一半與前妻,為保有兒子的撫養權。

相關新聞:【三度離婚】劉永為兒子入名校鋪路 感情路上:只欠黎燕珊一個

目前身在深圳公司的劉永今日接受《蘋果》訪問時承認跟妻子分開,他說︰「係吖,男人係咁啦,努力奮鬥。而家生存為兩個仔啫,咩都唔使諗。囝囝喺香港讀書,日日接送佢哋放學,一陣咪趕返嚟。」兩名兒子讀國際學校,單是學費每月就要兩萬元,問到支出是否很大時,他沒有正面回答︰「咁都係咁啦,男人。唔係點呀,冇辦法。中山花園係賣咗,畀一半佢?人哋同你生咗兩個小朋友。都唔係嘅,佢都係兩個仔嘅媽咪,又唔係乜嘢。」至於有否辦理離婚手續,他有點支吾以對說︰「冇離婚,離咩婚啫。啲仔有媽咪㗎嘛,佢有佢嘅生活,我睇住啲仔,兩個仔鍾意同我一齊。」

雖然沒有承認離婚,只話雙方分開,但劉永不時又以「前妻」稱呼對方。據知,他跟前妻於今年初開始出現問題,到年中已分開生活,女方沉醉影視工作。不過劉永跟黃麗燕不時會見面,在他的微博仍經常貼出二人出席公開場合及飯聚的照片,外人很難看出端倪。目前劉永已在上水找到居所,方便返回深圳的製作公司開工,擔任電影、劇集監製及策劃。他透露想多點留在港拍戲,方便照顧一對兒子,他說︰「希望香港有發展,搵我做幕前幕後都可以,邊個位都得啦,做咗幾十年。」

劉永講到三段婚姻,他慨嘆在感情上對黎燕珊有虧欠,他說︰「如果我感情欠人嘅,呢世只有一個女人,呢個女人就係黎燕珊。佢係一位好媽咪、好女人。」他表示雙方關係很好,一直有聯絡過年都會相約飲茶。至於第一任妻子為台灣藝人戴良純,84年劉永用刀將戴良純毀容被判刑,最後他潛逃回港。

-----------------------------
【撐學生】
召集有心人 撐學生全年睇《蘋果》
立即按此

-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載