› 選擇地區
三藩市
紐約
洛杉磯
其他美國地區
香港 台灣 北美
 
2019年10月17日

【想做外母多過嫲嫲】薛家燕有意發展教育同食品 唔想逼囝囝生B

(攝影:盧妹)
建立時間 (HKT): 1017 17:27

薛家燕、王梓軒、關楚耀、王灝兒及方健儀,今日到尖沙嘴出席「網絡至強人氣頒獎禮」,家燕姐獲頒「敢創敢做演藝人至尊大獎」。入行已61年的她,感謝多年來得到觀眾欣賞:「咁多年都要有啲嘗試,要創造自己嘅意念,仲要去做喎。」

當年以「好姨」角色彈出,後來創立自家品牌家燕媽媽到Captain Nancy,家燕姐說:「我自己有小朋友嘅觀眾,嗰陣時好多人唔願做阿媽嘅角色,我就諗不如親切啲,反正自己又有三個小朋友,所以就用咗家燕媽媽呢個名。到後來Captain Nancy,雖然而家人口老化,我年紀大,但係啲觀眾就越嚟越後生。」

家燕姐表示下個目標是產品發展:「我啲仔女話家燕媽媽呢個品牌可以好多延續性,佢哋想發展教育同食品,推廣去到海外。」家燕姐笑言自己坐享其成,所有收益都歸仔女所有。問她會否想升呢做家燕嫲嫲?家燕姐坦言想了很久,但不想逼兒子及新抱:「唔好逼佢哋,我緊張大女多啲。」記者即叫她快點做家燕婆婆,她笑謂兩個女仍未婚,要做外母先。

同場的王梓軒,12月將舉行入行十周年音樂會,今日會於活動上首次獻唱音樂會主題曲《多得你》。他透露明天將為新歌拍MV,邀得多年來幫助他的人演出:「我師父趙增熹咁多年都唔肯拍MV,我求咗佢大半個月,佢終於應承粉墨登場。」

至於好友兼經理人石祐珊會否演出?王梓軒笑謂仍未說服到對方:「佢之前話『阿熹肯拍佢就拍』,而家阿熹應承咗,但係佢仲未肯。我出道十年,同佢都合作咗八年幾,阿熹排第一,佢都係第二,所以點可以冇佢?」記者提議他以MV女主角打動珊珊,王梓軒笑言:「都好喎,到時影晒佢。」

另外,最近很多演唱會因擔心交通及安全問題延期,問王梓軒12月的演唱會,可有其他後備方案?他說:「我哋都有傾過,我哋都係做正面嘢,而且好難知邊日穩唔穩定,所以暫時冇更改。」

採訪、攝影:盧妹

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載